Tuesday, 29 April 2014

Haroon Bacha Song.

New and best song of Haroon Bacha...
Shared by Nizar yousafzai on his Face Book ID.
Reproduced by Pashto Times.
د هارون باچا په ښايسته اواز کښى تاسو ټولو ته ډالى.

ښاغلی عبدالرحیم روغانی
موت له یې پیدا کړو د حیات په بهانه
اوس به حیات ګورو د ممات په بهانه
وخت سره زاهد رنګونه اړاوي بدلېږي
ځي نن میکدې ته د جومات په بهانه
چل یې وي دیدن ته مرشد هسې بهانه شي
وکړي ملاقات، د ملاقات په بهانه
خپله دینداري لکه دانه په دام کې کېږدي
وخوري هندوستان د سومنات په بهانه
بیا چې شي تازه زاړه یادونه روغاني ته
خدای دې سوات ته راوله ، د سوات په بهانه
ــــــــــــــــــــــــــــــــــــــــــــــــــــــــــــــــ
ښاغلی فېروز د مانېری
ساقي بوږنېږمه لږ پام راکړه
باران ورېږي ما له جام راکړه
د عمر تنده په ګوټ نه ماتېږي
نن میخانه زما په نام راکړه
په خپل وطن چرته د سیند په غاړه
خواږه یاران، سکڼی ماښام راکړه
ځان به له تا نه سپېلنی کړمه زه
څه اشاره خو دې په بام راکړه
د هر جابر سره دې ښکرې مږم
خو بدرګه د پښتون قام راکړه

No comments:

Post a Comment