Monday, 21 January 2019

Akhunzada Ihsan Bacha Open Letter to Rizwanullah Shamal


د احسان باچا خوږلن صیب منظوم خط زما په نوم
ـــــــــــــــــــــــــــ
”” رضوان الله شمال ته يو خط“““
د رب احسان دې شوې په خاوره مى زرغون شماله
د پنجکوړې د غاړى ګٗله د بارون شماله
تا په ځوانۍ کښى د سينې په تپش تود کړو احساس
بيا دى پښتو له پٗشتى ورکړه ا؎ پښتون شماله
ځما پيرى ستا زلميتوب څه عجيبه همزولتيا
زمونږ اوس نه کيږى د يو بله نه رغون شماله
نن مى بدبخته قام د اور په سرو لمبو کښى ولاړ
باچا ګړډى ده نه تپوس شته نه قانون شماله
ناڅاپه درځ د وينو دارى بوټى تاڼى واڼى
الوځى بره د چا لاس د چا زنګون شماله
خانان بوږنيږى ملکان او سيټان ټول بوږنيږى
هم مى دهقان هم مى مزدور او هم مى شپون شماله
بيا د زړو مچوغنو جنګ په ملاکنډ راياد شو
يار ټپولې زورورو ته پتون شماله
وحشت لا غزى خپل پڅ شو؎ قلم بيا تيره کړه
زمونږ قسمت دې خوراکه خپل ځيګر خون شماله
د نن زورګير د پښتنو سينې په شيشت کښى نيسى
سبا به ګورو خو چى هير نه کړې پرون شماله
زمونږ د وخت موسىَ په لاره دې راوبه رسى 
بيا به سر اوخورى هر فرعون او هر قارون شماله
ځما او ستا خبره پاتى ده زړه په زړه
د قافلو سالاران نه منى بدلون شماله
خلق خٗلې وازى تش په نوم باندى شودو ته پراته
پيسه ټک وخت دې نه ليلىَ شته نه مجنون شماله
عجيبه جنګ دې ډلى دواړه له بهر راغلى
ميدانِ جنګ زمونږ د خاورى اندرون شماله
زړه تشوومه نن خفه يم درته خط ليکمه 
په باجوړ مى چا وهلې بيا شبخون شماله
پټ پکښى خوښ يمه يواځى په تودو ايرو کښى 
خوږلن خو تل کړى د ايرو لاندى شبخون شماله
احسان باچا خوږلن
Pashto Poetry of Akhunzada Ihsan Bach Khoglan. Bacha G Is Pattern in cheif of Dir Pukhto Adabi Karwan Dir Lower. He is From Mayar Jandool Dir Lower aging 80 and authored his Pashto Poetry Book Leet years back. Here is he writes versed letter to Rizwanullah Shamal .
Posted by Samiullah Khatir of Dir Pukhto adabi Karwan.
Ihsan Bach Khoglan Saib Open Letter to Rizwanullah Shamal
 

No comments:

Post a Comment