History of Pashtuns. Saadullah Jan Burq Articles

Who Are Pashtuns? History Blog

History of Pashtuns. Saadullah Jan Burq Articles. Da Pukhtano Asal Nasal. Pukhtun Qaam Ka Nasal? By Saadullah Jan Burq

اوله برخه ـ ژند اوويستا ـ کتاب پښتون قام يا نسل ؟ ليکونکے سعدالله جان برق ـ

ـــــــــــــــــــــــــــــــــــــــــــــــــــــــــــــــــــــــــ،،ــــــ

د بني اسراٸيلي نظريې سره څنګ څنګ کښې چې کومه بله نظريه د پښتنو د اصل نسل په باره كې روانه ده هغه د پښتنو د ارياٸي کيدو نظرياته ده ـ

او د دې نظرٸې د تاٸيد دپاره هغه اسناد پکارولے شي چې زيات تر د فارسي يا زردشتي مذهب سره تړون لري ـ

په دغه اسنادو کښې اول د اوويستا مقام راځي بيا ورپسې د فردوسي شاهنامه او يو نامعلوم کتاب خداٸي نامه (خداٸي تاهک اسناد دي ـ

ظاهره ده چې په دې لړ کښې هم بيا ورپسې د خپلې نظريې ثابتولو دپاره ډېر مغربي مستشرقين ،غرب مورخين او روسي عالمان هم راځي ـ

د بدقسمتې نه دلته هم د روسي ،مغربي ،عربي يا يوناني عالمانو وينا د کاڼي کرښه کڼلے شي ـ

او په پټو سترګو پرې يقين کيږي ـ حالانکې د دغه ټولو د ليکنو بنياد هم په دغه مشرقي منابعو وي ـ

خو هسې چې لږ انګرېزي ،فرانسوي ،المانوي يا عربي يوناني نوم او حواله راشي هغه حرف اخر ګڼلے شي ـ

مونږ به دلته په ژند يا اوويستا خبره کوو ـ او د ارياٸي نظريې په بنيادونو نظر اچوو ـ

ژند او اوويستا باندې ډير مدلل بحثونه شوي دي ځنې ژند کتاب ګڼي او اوويستا ژبه او ځنې ځنې اوويستا کتاب ګڼي او ژند ژبه ـ

خو اوس دا خبره ثابته شوې چې اوويستا کتاب دے او ژند ژبه ـ

خو خبره بيا هم صفا نه ده ځکه چې ژند ځکه د يو کتاب نوم دے چې د ده د تشريح او تفسير دپاره کوم کتاب ليکلے شوے وو د هغه نامه پاژند وه ـ خو هغه دومره زيات مغلق او ناقابل فهم وو چې د پيچيده او ناقابل فهم خبرو دپاره پاژند د متل په طور مشهور شو ـ هره هغه خبره چې نوره هم ورانه ويجاړه کړے شي هغې ته پاژند وايي ـ علامه اقبال هم دغه خبره کړې ده چې:

احکام تيرې حکم هے مګر اپنے مفسر

تاويل سے قرآن کو بناديتے هے پاژند

دا حقيقت دے چې يو قرآن دے ډيرو تاويلونو دوه اويا فرقې پيدا کړې دي ـ

چې هره يوه ځان ځان له د قرآن معنا کوي ـ

خو اوس زياتره خلقو اوويستا د کتاب په طور ياده کړې ده او يادوي يې نو مونږ به ورته هم دغه نوم اخلو ـ

د کتاب د نوم نه پس دويمه مسٸله چې کومه ده هغه دا ده چې د دې کتاب موسس او باني زردشت څوک وو او په کومه زمانه كې تير شوے دے ـ

د زردشت حقيقي زمانه نه شي ټاکلے ځكه چې د پنځو زرو قبل مسيح نه تر شپږمې صدۍ قبل مسيح پورې خلقو ياد کړے دے ـ

د افغانستان يو محقق دوست شنواري دا ټول مباحث په خپل کتاب ـ ـ ـ ـ ـ افغانستان په اوويستا " کښې راجمع کړے چې د اوويستا په باره کښې ،د زردشت باره کښې او ورسره په نورو تړلو موضوعاتو باندې يو ډېر په زړه پوري کتاب دے ـ

زه اول د دوست شنواري په ليکلي نظريو باندې رڼا اچووم ـ

هغه وايي چې زردشت په مختلفو نامو او زمانو کښې ياد شوے دے ـ

خپله د اوويستا په متونو کښې "زرا توشتر " (ZARA TUSHtRA) دے ـ د لرغوني يوناني مورخينو په ليکنو کښې "زرواشتر " ( Zaroaster) او د ميلادي لسمې پيړۍ په ادبياتو کښې زردشت (Zarduhisht) راغلے دے ـ او کله په شعرونو کښې زردهوشت او کله زردهشت په فورمه ليکلے شوے دے ـ (افغانستان په اوويستا کښې )

دا خو ٸې د نوم تلفظ شو اوس معنا ٸې څه ده ـ څوک وايي چې مطلب ٸې د زيړ اوښ خاوند دے ـ څوک ٸې د زرين اوښ والا يادوي او څوک ٸې د زوړ اوښ خاوند ـ دا مطلبونه د نوم د دوو حصو "زر" او اشتر نه ويستلے کيږي ـ

د زمانې تر مخه ٸې زيات ليکونکي شپږ قبل مسيح پيړۍ يادوي ـ روسي ليکوال اباٸيف ٸې د (٥٦٩ ق م )

د زمانې سړے يادوي ـ داسې دا خبره تر پينځه زره قبل مسيح پورې رسيدلې ده ـ

کم از کم دولس ديارلسو کسانو بيله بيلې زمانې يادې کړي دي ـ

پور داٶد نومې پارسي ليکوال ٸې زمانه ((١٠٨٠ق م) ښودلې ده ـ

يو ايراني ليکوال ذبيح الله بيروز ٸې ((١٧٢٥ق م )

د زمانې فرد بيانوي ـ

خو فرانسوي ليکوال رينے ګينون د ده زمانه پنځه زره قبل مسيح ښايي بلکې د افلاطون په يو ليک کښې خو شپږ زره قبل مسيح ياد شوے دے ـ

نور بيا ـ ـ ـ

نور اپريدے

Who Are Pashtuns? History Blog