History of Pashtuns. History Of Pathans In Pashto. Pashto Pedia Pashto Info
پښتانه مونږ د دې زمکې خپل بچي ګڼو په پښتنو باندې ډير مذهبونه راغلي دي او پښتنو قبول کړي دي ـ که مونږ د نن نه 4000 زره کاله روستو لاړ شو نو پښتنو هندو مذهب خپل کړے وو ځکه چې د هندوانو مشهور مذهبي کتاب رګ ويد هم دغه د هندوکش غرونو په لمنو کښې ليکلے شوے دے يعني زمونږ په غرونو کښې يا زمونږ په کاله کښې او ژبه هم زما ژبه وه خو لکه څنګه د وخت د تيرويدو سره لهجې بدليږي نو زمونږ پښتو هم خپل مخ بدل کړل ـ نو زه ډېر په ډاډ سره وٸيلے شم چې په اول اول به پښتانه په هندو مذهب وو ـ بيا چې کله زمونږ دا تربوران د هند اړخ ته لاړل نو کتاب او مذهب ٸې هم د ځان سره يوړل خو هلته هندوستان کښې بومي خلق اوسيدل دا تور خلق څه وي ـ د دوٸ سره رګ ويد هم ژبه هم او مذهب هم ګډ وډ شو ـ خو هندو مذهب زمونږ سره د هندوکش په غرونو کښې پاک پاتې شو ـ بيا زمونږ په کور يعني بلخ کښې يو انسان يا پيغمبر پيدا شږ چې خلق ٸې د زردشت په نوم پيژني او هغه په اول وار د دحدانيت اعلان وکړو ـ چې دا کوم خراب کارونه کيږي دا شيطان کوي او چې دا کوم سم کارونه کيږي خداے کوي ـ زردشت خالص پښتون وه او هغه خپل مذهبي کتاب وليکل ـ پوهان واٸي چې دا کتاب د غواګانو په پينځو يا پينځويشت زرو څرمنو باندې ليکلے شوے وو ـ خو چې کله سکندر چې په انګريزې کښې ورته اليکزنډر (Alxzeder) واٸي هغه دا کتاب يا څرمنې اوسيزلې خو يوه څرمن ٸي خپل استاد ارسطو ته وليګله ځکه چې هغه سکندر ته وٸيلي وو چې ماته به د پښتونخوا نه اويستا راوړې
د زردشت مذهب زردشتي وه او زردشتيان د اور عبادت کوي ـ نو زه دا وٸيلے شم بلکښې د دليل سره ٸې ثابتولے شم چې د هندو مذهب نه پس به يې زردشتي مذهب خپل کړے وي ـ
بيا پرې د بدمت مذهب دور راځي چې پښتنو خپل کړے دے او ښه په نره ٸې خپل کړے دے
د بدمت مذهب نه پس پرې عربو په زور اسلام منلے دے او د دې حقيقت نه څوک سترګې نه شي پټولے او که هسې ورته بهانې ګوري نو هغه بيا بيلا خبره ده ـ خو زمونږ علاقې يعني خيبر نه دې اړخ ته که اسلام راځي نو د محمود غزنوي سره راځي چې دې وخت کښې په دې علاقې کښې د هندو شاهي حکومت وو ـ خو ياده دې وي چې محمود د اسلام د خوريدو په نيت نه بلکښې هغه يو ډاکو وو او ډېر پښتانه ٸې د مذهب په نوم وژلي ـ
نور سعيد نور
Comments
Post a Comment
Thanks for visiting Pashto Times. Hope you visit us again and share our articles on social media with your friends.