د نیدر لینډ د جرنلسټې Bette Dam د ملا عمر په اړه د کتاب لوستلو نه پس زه په دې نتیجه ورسیدلم که چرې هم د افغانستان په جنګ یو ازاد کمیشن جوړ شو او هغوي په دې جنګ کې د ټولو فریقینو نه پوښتنې وکړې نو مالومه به شي ، چې دلته طالب چا پمپ کړی؟
او چا ترې ګټې اخستي؟
او د امریکې په افغانستان کې د شتون نه د افغانستان جنګسالارانو څومره ګټې پورته کړي ؟
د طالب نه څومره مقامی او بین الاقوامي سرمایه دارانو او بدمعاشانو ګټې پورته کړي ؟
د Bette Dam په دې کتاب کې تر ټولو نه مهم باب د مولا عمر ژوند پس د ۲۰۰۱ نه دی ، په دغه لوستلو باندې سړی ګوته په خوله او خیران دریان پاتې کیږي ، چې صرف د مولا عمر د نامې نه طالب او د افغانستان جنګسالارانو څومره استفاده کړې؟
جرنلسټې Bette Dam په دې کتاب کې د مولا عمر د ټولو پخوانیو طالب مشرانو انټروئ بیان کړي چې پکې په کوئیټه کې د ISI د چتر لاندې میشت طالبان مشران هم شامل دي .
په دغه کتاب کې د مولا عمر د نژدې ملګري مولوي جبار عمري انکشافات د څیړلو وړه دي .
د مولا عمر یو بل ملګری عبدالسلام راکټی وایې کله چې زمونږ رژیم د کال ۲۰۰۱ په اخره کې وغورځیدلو نو د طالبانو اخرئ غونډه په کندهار کې د یو سوداګر کور ته راوغوښتلې شو چې د مسقبل لپاره خپل پلان جوړ کړي . په دغه غونډه کې مولا عمر د خپلو ملګرو نه پوښتنه وکړه چې اوس به څه کیږي ؟
نو موږ ټول تر یو څو لحظو پورې چپ وو زما د خلې ووتل چې بله هیڅ لار نشته بې د حامد کرزئ سره د سیاسی جوړ جاړي نه ، باید مونږ وسلې وغورځوو او د افغانستان په ودانې کې برخه واخلو ،
مولا راکټی وایې دغه وخت د مولا عمر په لاس کې ټوپک وو او زما ګمان وو چې په دې خبره کولو به ملا عمر ما قتل کړي خو ولې بله چاره نه وه .
مولا عمر خاموش پاتې شو او ماته په دغه غونډه کې ناستو ملګرو ویل چې هم دا رای زمونږ وه خو تا راله خاموشي ماته کړه .
مولا عبدالسلام راکټي وایې ددغه غونډې نه پس مونږ کرزئ ته پیغام ولیږلو خو ولې د امریکې د هغه وخت وزیر دفاع ډونلډ رمز فیلډ ته او ګل اغا شیرزۍ ته دا هیڅکله قبوله نه وه چې د طالبانو سره دې جوړ جاړې وشي . څه ورځې پس ګل اغا شیرزئ په دغه مهمو طالبانو کومندانانو نیولو او وژلو پسې شو او د طالبانو لخوا د تسلیمیدلو پلان یې دړي وړي کړو .
څه مشران لاړل کویټې ته او مولا عمر د معتصم اغاجان لخوا پاکستان د تللو دعوت رد کړو او د مولا جبار عمری سره زابل قلات ته لاړو او هغلته د عبدالصمد استاذ په کور کې دواړه دیره شو .
په دغه علاقه کې اکثریت د هوتک قبیلې وو نو یوه وجه دغه هم وه چې د طالبانو د هوتک قبیلې سره تعلق لرونکي مشران هغلته د خپلو قبایلی مشرانو سره دیره شي .
څه وخت پس په دغه کې زیاتره طالبانو د کرزئ د دولت سره سیاسی جوړ جاړې وکړو او پر امن ژوند کولو ته لاړل ، خو ولې خالت ډیر زر بدل شو کله چې د امریکې لخوا د حزب اسلامی پخوانی جنګسالار حمید الله توخی د زابل ګورنر وټاکل شو هغه څه موده پس هغه تسلیم شوي طالبان وټکول .
جبار عمری وایې کله چې د حمید الله توخی لخوا مونږ ته خطر پیښ شو نو مولا عمر د کویټې ملګرو ته کیسټ پیغام ټیپ کړو په هغې کې مهمه خبره دا وه چې طالبان دې خپل مشر مولا عبیدالله اخوند وټاکي ، کله چې دغه کیسټ د مولا عمر اوخی عزیز الله واخستو نو کویټې ته د رسیدلو په وخت ISI ونیولو او دغه کیسټ یې ترې واخستو او په کال ۲۰۰۷ کې پاکستان مولا عبیدالله اخوند ځنداني کړو او هغلته یې په کال ۲۰۱۰ کې قتل کړو .
جاری دی
Comments
Post a Comment
Thanks for visiting Pashto Times. Hope you visit us again and share our articles on social media with your friends.