Khumar Makham. Pukhto Azad Nazan by Najib Amir
خومار ماښام
 |
| Khumar Makham, Pashto Poem By Najib Aamir, RFE Radio Prague. |
په سرو سکروټو وریته شوې غوښه
ما ته له واینو سره یو ځای راوړه
که تا ته یاد شي د لومړي کال په واورین ماښام کې
په ماري بار کې له ګارسونې څخه
هم دا مې غوښتي وو، په څومره مینه
بیا هغې تا ته مخ در واړولو
او په موسکا یې له تا هم وپوښتل
تاسو څه خوښ کړل فرمایش مو څه دی؟
تا ورته وی سیزر سلات مې خوښ دي
او په کولا کې واوره هم واچوه
بیا دې زما د لایټر په مرسته
د مېز د پاسه شمعې بلې کړلې
هغه ماښام څومره ښایسته ماښام و
موږ د غریب وطن دوه خوار مینان
څومره هوسا څومره غني ښکارېدو
ته په کولا باندې نشه ښکارېدې
زه خپلو واینو ته په دې غصه وم
ولې په ما باندې اغېز نه کوې؟
له تا نه ډېر د دې جینۍ سترګو کې
د خومارونو مۍ خانې وینمه
ته په ما پویه شوې ویل دې راته
مزه یې شته کنه؟ لږ حال ووایه
ما د ویلو ډېر څه نه درلودل
بس دا ټپه مې درته وویله
د شین خالۍ کنډر مې وکړو
ځان مې بدنام کړو، رامې نه وړل شنه خالونه
٢٠٢١ نومبر ٢٤
پراګ
خمار ماخام
Khumar Makham. Pukhto Azad Nazan by Najib Amir of Azadi Radio Free Europe Prague, چیک ریپبلک
Comments
Post a Comment
Thanks for visiting Pashto Times. Hope you visit us again and share our articles on social media with your friends.