Khushal Khan Khattak Baba Nazam Gella.
Da Yousafzai Qabeli Na Da Khushall Baba Gela Aw Da Mughal Sara Fitna.
(دَ خوشال بابا دَ پښتون قام نه ګیله اؤ دَ مغل سره فتنه).
دا کلام ئي په ۱۰۸۶ کښې په برمول کښې لیکلے وو.
وضاحتــــ!! د بابا ښکنځل پښتنو ته د نصیحتـــ په توګه ؤ بعید د شعرونو غلطه تشریخ اونه کړے شې.
بیا له کومه راپېدا شو دا بهار
چې په هر لورې ئي ملک کړو یؤ ګلزار
ارغوان دی ضمیران سوسن ریحان دی
یاسمن دی نسترن نرګس ګلنار
دَ پسرلي ګلونه ډېر په هر هر رنګ شته
ولې سرۀ لالا دي لا پکښې اوڅار
جونه موټی موټی ګل ږدی په ګریوان کښې
دَ ځوانانو ګلدستي دي په دستار
مغنی په چغانه لیندئ کېږده
په نغمو په پردو وغواړه هر تار
ساقی راشه ډکې ډکې پیالي راکړه
چې دَ میو په مستئ کښې شم سرشار
پښتنو زلمیو بیا لاسونه سرۀ کړۀ
لکه باز منګولی سرې کړ کا په خپل ښکار
سپینی توری ئي ګلګونی کړي په وینو
په اهار کښې شګفته شو لالازار
ایمل خان دریا خان دواړه مرګ ئي مۀ وے
هیڅ تقصیر دواړو ونۀ کړو وار په وار
دَ خېبر دره ئي سره کړله په وینو
په کړپه ئي هم روان کړو دندوکار
تر کړپه تر باجوړه سمی غرونه
په لرزه په زلزله شول په بار بار
په هغه لورې چې کېږي پینځم کال دے
هره ورځ دَ سپینو تُورو هر پهار
چې په دا لورې زۀ راغلم حبطه شوم
زۀ مردار یم کۀ دا خلک دي مردار
په لښکر لښکر نعرې شوم ورته ستړے
دا کاڼه راته نۀ مهیرک وائي نۀ ځار
چې احوال دَ یوسفزیو رامعلوم شو
لواغر وماته ښۀ وو نۀ دمغار
دَ خټکو سپی بهتر تر یوسفزیو
کۀ خټک دي هم په خوئ تر سپی بیکار
درست پښتون له کندهاره تر اټکه
سره یؤ دَ ننګ په کار پټ وآشکار
ګوره څو جنګونه اوشو په دا لوري
ولې هیڅ دَ یوسفزیو نشته عار
اول جنګ دَ لوړے شا دَ تهترو وو
چې څلوېښت زره مغل شول تار په تار
خو بندی لوڼه ئي په بند دَ پښتنو شوي
اس اوښان هاتیان اولجۀ قطار قطار
دویم جنګ دَ میر حسینی په دوآبه کښې
چې ئي وټکېدو سر لکه دَ مار
بیا له پسه دَ نوښهر دَ کوټ جنګ وو
چې مې وکیښ تر مغلو خپل خمار
بیا له پسه جسونت سنګھ شجاعت خان وو
چې ایمل ئي په ګندهاب ویوست دَ مار
شپږم جنګ مکرم خان شمشیر خان دواړه
چې ایمل کړل په خاپښ کښې تار په تار
چې زما په یاد دی لوئی جنګونه دا دي
دَ هلکو په هر لورې نشته شمار
همېشه فتح و نصرت دے له تر اوسه
پس له دا ده بیا تکیه چې کردګار
اورنګزیب راته یؤ کال اوشو چې پروت دے
په صورت خېران پریشان په زړۀ افګار
کال په کال اُمرایان دي چې پرېوزې
چې طوفان شولي لښکرې کوم ئي شمار
خزاني دَ هندوستان دِ راخوری شوي
سرۀ مهران دې ننوزې په کهسار
دا دۀ هیچا په اتلس فکر نۀ وو
چې به دا کارونه شی په دا دیار
دَ بادشاه دَ بدنیتۍ کمے نشته
په بدنیت ئي آزار واخست دَ خپل پلار
ځکه اوس دَ چا باور وربانې نۀ شي
هم بدنیت دے هم بدقولهم مکار
بله هیڅ لیدنه نۀ شي په دا مینځ کښې
یا مغل دَ مینځه ورک یا پښتون خوار
کۀ ګردش دَ اسمان دا دے چې لیدۀ شي
کۀ دَ خدائے رضا په دا وي راغے وار
اسمان هر کله پیرے یک رنګے نۀ کا
ګاه په ګام په ګل جاروزې ګاه په خار
په دا هسې وخت چې وخت دَ نام وننګ دے
دا بې ننګه پښتانۀ کا څۀ رفتار
پښتانۀ چې نور څۀ فکر کا ناپوه دي
بې دَ توری خلاصے نشته په بل کار
تر مغلو پښتانۀ په توره ښۀ دي
کۀ په پوهه پښتانۀ وے څۀ هوښیار
اولسونه چې سند وبله اُوکا
بادشاهان ورته سجود کاندې اختیار
کۀ نفاق کۀ اتفاق کۀ جهل پوهه
دَ هر چا دَ خدائے په لاس ده هره چاره
آفریدی مهمند شنواری ګوره څۀ کا
دَ مغلو لښکر پروت دے په ننګرهار
زۀ تنها په کښې دَ غم ونام وننګ یم
یوسفزئ فراغت په کښت وکار
اوس چې هسې بې ننګي بې ناموسی کا
عاقبت به ورښکاره شي خپله چار
مرګ زما په پوهه ښۀ تر دا ژوندون دے
دَ عزت سره چې نۀ وي زیست روزګار
همېشه به په جهان کښې ژوندے نۀ وي
دَ خوشال خټک به پاتې شي یادګار
دَ دریمې خور اول کال دَ غفو¹ وو
ما چې اووې په برمول کښې دا اشعار.
په مننه د مقتدر شاه
¹ (۱۰۸۶)
Tags for This Paahto Blog.
Pashto Poetry By Khushal Khattak Baba. Pashto Lyrics of Khushala Khan.
Khushal Khattak and Yousafzi Pukhtana. Khushal Khattak about Mughal Emperor Aurangzeb. Khattak VS Yousafzai.
What Khushal Khattak writes about Yousafzai?
Why Khushal Khan Khattak was against Yousafzai?
Why Khushal Khan Khattak was Against Mughal Empires and Aurangzeb Alamgir?
Comments
Post a Comment
Thanks for visiting Pashto Times. Hope you visit us again and share our articles on social media with your friends.