Lyrics Of Ghani Khan Nazam Sehra

 Pashto Poem. Ka Pa Shagho Ki Jwandoon v

Poet. Legendary Ghani Khan Baba.

Ka Pa Shago Ki Jwandoon we, Raba 

صحرا   

د غني بابا کلیات

که په شګو کې ژوندون وي 

ربه بومې ځه صحرا له

که سودا کې ناز او شړنګ وي

ما مرۍ ورکړه سودا له

که په سا کې مستي نه وي

ربه مرګ راوله سا له

که هلال پېغام د نور

د خندا د رڼا نه وي

ماته غوره توره شپه ده

ډېره غوره د هلاله

که د ژوند مطلب بل نشته

بس ژړل دي سوځېدل دي

.

دا خپل جوش په بېرته واخله

دا خپل هوش په بېرته واخله

.

زه پتنګ ستا په رڼا یم

مین ستا په تورو نه یم

.

که کافر که مسلمان یم

یمه ستا، د نورو نه یم

.

زما واړه کمزورۍ دي، جوړې ستا، ستا د کماله

تیاره ځکه شوله توره، چې شوه ورکه د هلاله

.

چې تا ورک کړمه حیوان شم

چې تا ووینم انسان شم

.

ته دریاب د شنو چینو یې

زه پټی د لوږو تندو

چې تا ورک کړم بیابان شم

چې تا ښکل کړمه بوستان شم

.

دا ګنا زما د څه ده، چې زه چغې شم جانان شم

دا خو ستا د ښایست قصور دی، چې زه غم شم بیابان شم

.

یا خو واک د بادشاه راکړه

او یا صبر د فقیر را

.

دا ژوندون دی رنګین خوب له

یو ښایسته شان تصویر را

.

چې ستا حسن پر بندي کړم

داسې لاس داسې زنځیر را

که دا اوښکې ستا شراب وي

که دا چغې ستا رباب وي

که زما ژړا د عمر 

یو لمحه ستا د شباب وي

که زما همه مستي دا

یو حباب ستا د سرور وي

.

زه خوشاله یم په هر څه، چې کوې زما په ځان ته

عجیبه زما جانان یې، عجیبه زما ارمان ته

.

هله زه د ځان مالک شم 

چې خپل ځان درکړمه تاله

.

هله مست خوبونه راشي

چې ګوټ وکړم ستا د خیاله

.

ای د کل جهان مالکه 

جواب را ستا د جماله

.

ولې جوړ صحرا کې باغ کړې

قصاب جوړ کړې د کلاله

.

ولې ولې ربه ولې

ددې ولې جواب څه دی

.

څنګه څنګه ای جانانه

ازغی څه دی، مضراب څه دی

.

ای د لوږې تندې ربه

ډک جام څه دی، کباب څه دی

.

ای د مرګ او ژوند مالکه

مړګی څه دی، شباب څه دی

.

ای د ژوند اخر جانانه

ژوندون څه دی، حساب څه دی

.

ای د تورو تیرو خانه 

څه مانا ستا د رڼا ده

.

ای د مرګ او ګور خاونده

څه رنګینه ستا خندا ده 

Lyrics Of Ghani Khan Nazam Sehra

Pashto Times Ghazal lyrics of Ghani Khan.

Singer. Sardar Ali Takkar. 

Poem Sehra.

 Type. Nazam

#TheLegendGreatGhaniKhan