Mazar Parasi. Pashto Article

 Mazar Parasti.

By Adv Humayun Kaasi.

مزار څله د رجعت علامت دى?

زما پر پخواني ليک ځينې تنقيدي ليکنو ته جواب

اصل خبره دا ده، چې کم خلق خپل کردار نه لري هغه پر مړو باندې ځان را ټالوي. ځکه دا مزارونه جوړېږي

او کله چې ژوندي خلق خپل کردار لري هغه بيا مزارونو ته نه کشېني او پر مزارونو سياست نه کوي

اوس چونکې ژوندي خلق زاتي کردار نه لري او پوهېږي چې د دوى په کردار پينځه کسان نه ورسره ملګري کېږي، نو ځانونه يې پر مړو باندې را ټال کړي دي

ځکه وايم چې مزار د رجعت علامت دى، چې له ځانه او له نورو ژونديو څخه ناهيله شوي خلق تل له مړو او د هغو له قبرونو څخه هيله ساتي

ژوندي خلق او ژوندي قامونه يقينن پخواني اتلان او د هغو مبارزه په يات ساتي، ځکه چې مهم هم هغه نظريات، هغه مبارزه او هغه افکار وي.

ځکه چې اتلان خپل د کړي کردار په وجه ژوندي وي او تلپاته وي، هغه مزارونو ته اړتیا نه لري. که يې د قبر ځاى مالوم وي بس دغه لويه خبره وي

بل ځکه هم وايم چې مزار د رجعت علامت دى، چې پر مزارونو ناست منجاور او زائرين يې له مړه څخه غواړي، چې ګوا په موږ ژونديو کې يو کرامات نه شته، چې خداى زموږ فرياد واوري، نو مړ کس ته د سفارش کولو فرياد کوي.

دا خو تاريخ ثابته کړې، چې د مېوند ملالې مزار ته اړتیا نه درلودله، نه پالې خان اړتیا لري، نه خان شهيد او نه ډاکټر نجیب. خو نن ژوندي پاته دي.

بل که مزارونه دومره مهم وايي نو شهيدان او اتلان خو خالي دغه خلق نه وو. ولې هغه نورو چې په دغه لاره کې سرونه و شيندل، هغه اتلان او شهيدان نه وو?

او. که وو،نو بيا د اتلانو او شهيدانو تر منځ دا توپېر څله? 

تاسو د څو شهيدانو په قبرونو څو مزارونه په تېرو څلوېښتو کلونو کشې جوړ کړل

کليوال شهيد او له هغه سره پر مرکزي دوتر شهيدان شوي خلق اتلان نه وو که شهيدان نه وو?

دغسې د درې اتيا شهيدان اتلان نه وو چې پر سينو يې مرمۍ و خوړلې?

دا د مزارونو د نه جوړولو د تحریک يو مخور خو پخپله رحيم صاحب وو. تاسو د هغه رحيم صاحب پر قبر مزار جوړ کړى.

دا د رحيم صاحب له فکر سره خيانت نه دى?

خبره دا ده، کم خلق چې خپل زاتي کردار لري او له ژونديو څخه هيله مند وي، نو هغه پر مړو او د مړو پر مزارونو ځانونه نه راټالوي او مزارونو ته اړتیا نه لري

ژوندي خلق ژوندۍ مبارزه کوي، خپل کردار لوړوي او د اولس باور ګټي چې اولس ورسره مل شي، او خپله د تاريخ په اتلانو کشې شمار شي

Pashto Times Pashto Blogs. Mazar Parasti and Fundamentalism in Pashtun Society. Pashto Blogs