Phenergan
By Doctor Didar Yousafzai.
_فېنرګان
زمونږ په ټولنه کې چې څنګه د دردونو ګولۍ د جوارو د ډوډۍ غوندې خوړل کيږي. دغسې چې کله ماشوم ژاړي او خوب نه ورځي، نو ميندې د ځان خلاصوني له پاره دوي له يو خاص شربت فېنرګان د نشې په موخه ورکوي.
مطلب یې دا وي چې ماشوم له خوب ورشي او اوده شي، خو دا يو ډېر خطرناک عمل دی، ځکه هغه ماشوم چې خبرې نشي کولی، د هر تکليف اظهار صرف د ژړا په ذريعه کوي، د دې ماشوم په زور اوده کول ماشوم ته نورې ډېرې بيمارۍ پېدا کولے شي.
دا شربت د دوو کالو نه کم عمره ماشومانو له پاره بالکل منع دی. فېنرګان شربت چې پروميتازين لري، دا عموماً د الرجي له پاره لکه پوزه بهېدل، پرنجي او د سترګو خارښ يا عام د وجود خارښ له پاره کارول کيږي، خو استعمال یې د يوې هفتې نه زيات نه دی پکار. د دې نه علاوه چې کومو ماشومانو ته د سفر په وخت زړه ويشيږي هغو له هم ښه وي او د اپرېشن نه وروسته د درد کمولو او نشې له پاره هم استعمالیږي.
د دې بې ځايه او ډېر استعمال د ماشومانو د لید وده په ځای ودرولی شي، نظر خړ کولی شي، په متيازو کښې ورته تکليف پیدا کولی شي، لړزه پرې راتلی شي، او د ټولو نه خطرناکه خبره دا ده چې د دې دوا اثر نېغ په نېغه په دماغو وي او په دماغو کې ډېر کېمیاوي عملونه متاثره کوي، چې په نتيجه کښې یې په دماغو کښې د ساه مرکز متاثره کیږی، چې respiratory depression ورته وائي، چې له امله یې ماشوم مرګ خونې ته سپارل کیږي دا عمل هر کال د ډېرو ماشومانو سره کيږي،خيال کوئ او د خپل ځان اسانۍ له پاره ماشومان مرګ ته مۀ سپارئ.
ډاکټر دیدار یوسفزۍ
Pashto Times Health Blogs.
Use of Phenergan and side effects. Effects of Penergan Syrup. Pashto Health Blog. Self Medication. Doctor Advice on Phenergan.
Comments
Post a Comment
Thanks for visiting Pashto Times. Hope you visit us again and share our articles on social media with your friends.