Amir Hamza Khan Shinwar Pukhto Ghazal. Pukhto Shayeri
.غزل _ امير حمزه شينواری
زۀ شوم آئينه چې ګـــورم ستا په لور
خېر که اوس نظـر نه کړې زما په لور
تۀ رټـــــل شـــــړل کــــړه زۀ وفا کوم
سترګې خو د سپي وي د آقـــا په لور
شو چې سپوږمۍ مخيه مې نظر په تا
نه کړمـــــه نظـــــر د توتيـــــا په لوړ
ګوره مې همت چې ستــــا طلب کوم
پورتـــه مې قـــــدم د کبريـــــا په لور
سترګـــــو ته زمـــــا تورې تيرې او وې
تور به مو سپين سپين شي د صبا په لور
پرانـــــزه لبـــــان چې زۀ رنځـــور يمه
بېځـــــه اشـــــاره کـــړې د دوا په لور
لور دې د هجران کړې دوه ټوټې زمــــا
ګوري مـــــا له رشـکه نــــن زما په لور
زۀ حمـــــزه د زړه لـــــه کـوره تلې يم
يم لکه چې غـــــږ وي د صحرا په لور
ارواښاد حمزه شينواری بابا
کليات (څلورم جلد)
مخونه _ ۵۸,۵۹
Pashto Times. Kulyat Amir Hamza Shinwari aka Hamza Baba. Amir Hamza Khan Shinwar Pukhto Ghazal. Pukhto Shayeri. Pukhto ghazal zar, Adabzar
Comments
Post a Comment
Thanks for visiting Pashto Times. Hope you visit us again and share our articles on social media with your friends.