Dialogue With Psychologist. Translated To Pashto

 Dialogue With Psychologist. Translated To Pashto. Pashto Translation by Shoaib Payan

#سائکالوجسټ_او_زۀ

(سائکالوجسټ)............ښه نو دا راته اوایه په دنیا کښې ستا د ټولو نه خوښ ترین کوم داسې څیز دے

( زۀ )............خفګان

(سائکالوجسټ) ښه سمه ده او تا چرته مینه کړې ده؟

( زۀ ) .......هو کړې مې ده 

(سائکالوجسټ) ښه څو وارې دې کړې ده مینه؟

( زۀ ) ......درې وارې 

(سائکالوجسټ) ...خلک خو وائ چې مینه صرف یو وار کیږي‘

( زۀ ).......هو دا هم منمه 

( سائکالوجسټ ).....نو تاسو خو اوس اویل ما درې وارې مینه کړې‘

( زۀ ) ....هو کنه ما درې وارې مینه کړې

(سائکالوجسټ).....اوس خو تاسو اویل مینه یو وارې کیږي

( زۀ )......هو کنه په یو وخت د یو انسان سره مینه کیږي

چې هغه دې پریګدي بیا هله د بل سره مینه کیږې

(سائکالوجسټ)....چې تا دویمه مینه شورو کړه نو ړومبے مینه دې هیره شوه؟

( زۀ ) ......هیرولې مې شوه خو ما هیره نه کړه ‘

(سائکالوجسټ).....ولې وجه؟

( زۀ ) ځکه چې زما خفګان خوښ دے او که چرې ما ړومبے مینه هیره کړې وه نو بیا به زۀ څنګه خفه وے؟

(سائکالوجسټ)....ښه نور ستا څه څه خوښ دي؟

( زۀ ).......شاعري

(سائکالوجسټ).......ښه ښه په خپله هم شاعري کوې که نه هسې دې شاعري خوښه ده؟

( زۀ ).....هو کله کله خپله هم شاعري کووم

(سائکالوجسټ)....ښه شاعري دې ولې خوښه ده؟ 

( زۀ ) ....ځکه چې زما خفګان خوښ دے او شاعري ما د خفګان غیږې ته بیائ 

(سائکالوجسټ).....ته د ټولو نه زیات کوم وخت سا ډوبے ئې تنګ ئ؟ 

( زۀ ).....کله چې زۀ خفه نه یم او زیات خوشحاله یم 

(سائکالوجسټ).....نو په ښادۍ یا بنډار کښې ستاسو حالات څنګه وي یا ستاسو کور کښې کومه د خوشحالئ ورځ وي؟

( زۀ ) .......انتهائ زیات خفه.

(سائکالوجسټ)......ته د دې وجې نه خفه ئې چې په دغه ورځ ټول خلک خوشحاله وې؟

( زۀ )....... نه بس په دغه ورځ ماته د خفګان کولو دپاره تنهائ یوازېتوب پیدا نه شي‘

(سائکالوجسټ) ښه او داسې کوم څه دي چې تاته زیات سکون درکوي؟

( زۀ )...... تنهائ یوازېتوب

(سائکالوجسټ).....ولې وجه؟

( زۀ )......هغه ځکه چې تنهائے یوازېتوب کښې زما زړۀ غواړي چې په چغو چغو وژاړم 

(سائکالوجسټ) نو چرته یوازې شوے ئې؟  

( زۀ )......نه 

(سائکالوجسټ).....مطلب تاسو ته تر اوسه سکون نیشته ؟

( زۀ ) ......نه بلکل نه 

(سائکالوجسټ) نو داسې څه وکړو چې تاسو ته پرې سکون میلاو شي

( زۀ )..... ما یوې صحرا کښې یا یو شړ خوشې ځنګل کښې پریګدۍ ‘

(سائکالوجسټ)......که هلته مړ شوې نو بیا؟

( زۀ ) .......سکون سره به مړ شم 

(سائکالوجسټ).....ښه چې ته چرته کوټه کښې یواځې ئې او هندارې (ائنې) ته مخامخ ودرېږې نو څه  ردِعمل دې وي ؟

( زۀ ) .......اداکارې کووم

(سائکالوجسټ).......څنګه اداکاري؟

( زۀ )........ړومبے  ښه وخاندم وخاندم بیا یو دم په مخ نوکارې راکاږم په ژړا شم 

(سائکالوجسټ).......تاته څه بدلون خکاري ځان او نورو خلکو کښې؟ 

( زۀ ).......کله کله سوچ کوم چې زۀ لیونے یم کله وایم نه زۀ ټیک یم دا ټوله دنیا لیونۍ ده‘

 کله وایم دې خلکو زۀ هیڅ وه نه پیجندم کله وایم  دا خلک ما هیڅ وه نه پیجندل

(سائکالوجسټ)........خپلو همکارانو ته اشاره وکړه چې دے بوځۍ پاګل خانې ته ‘

او ما په زوره زوره وخاندل زما د خندا اواز په ټوله کوټه کښې دوه برغے شو راوتمبیدو سائکالوجسټ هم راسره ښه وخاندل او بیا ئې خپلو همکارانو ته اشاره وکړه چې ټوقې کووم ځۍ تاسو

او بیا ما او سائکالوجسټ یو بل ته ښه په چغو چغو  وژړل‘

#ژباړه_پایان

By Shoaib Payyan.