Khalak Hum waye che shta day
Zra me hum wayi che ye ta, kho Jehan di Dase Khakri. Laka be malika koor. Ghani Khan Nazam
خلق وئ راته چې شته دې زړه م هم وائى چې ئې ؛
خو جهان د داسې ښکارى لکه بې مالکه کور
ستا د خپلې خلې دښمن له خوشحالى ؛ مينه آرام دې
ستا آشنا له تنهائى ده تهمتونه او پيغور ؛
که دې زړه کښې هم څوک ياد کړى
در په در خاورې په سر شى
ستا دښمن خان د خانانو
ستا آشنا زير او زبر شى
ستا رښتيا ستا ښه او مينه په همه ؤ کښې تاوان دې
ستا تلاش يو ليونتوب دې ستا يارى د غم طوفان دې
امتحان څومره سنګين دې ډير کمزورې ستا انسان دې
د لوګى په بنيادونو جوړ د شنو ګټو مکان دې
ستا خليل د خپو د لاندې
د نمرود د غلام وينم
د خيام لاس کښې کچکول دې ؛
د دلا لاس کښې جام وينم
خانه مه م جنګوه نور هسې نه چې بګيلې شم
چې خمار او سرور ورکړم آسرې طمې مرنې شمسی
ستا ملا وائې په چغو
چې تش سخات او زکات غواړې
خواښ دې غټ غټ خيراتونه
پوخ او سپين شان جمات غواړې
وئ قانون دې د منات وى ته تش نوم د منات غواړې
وائى نه غواړې جنون ته تش رکوع او آيات غواړې
خو ستا جهان بل رنګې ښائى
ستا د پټو سترګو خيال
عجيبه دې جرم ايښې په خونونو د وصال
لن تنالوالبرحتی تنفقوا مماتحبون
ته په ديګ م رضا نکړى نوم ؛ ارمان ؛ او عزت غواړى
د مالې نه زيړ ګلونه د قارون نه دولت غواړى
د مين نه ټوله مينه د مغرور نه غرور غواړى
او د رند نه ښانکونه د مستى او سرور غواړى
د غنى نه هشتنګر کښې اوچت غرونه د طور غواړى
د ګډورى نه خپل ځان له د روتولو تنور غواړى
ستا وکيل وائې په چغو چه خيرات او زکوته غواړى
زړې ميښې د پنجاب اوږدې روجې د سوات غواړې
سپينه ګړه د شولګرې تمباکو د شوِې غواړې
او مريد کره غټ پير له ښکلې خځې نوې غواړې
سان صابون ګړه طالب له او ملا له روپئ سپينې
په بدل کښې محلونه معشوقې نرمې مهينې
ډک جامونه د شرابوں په عوض کښې ډکې پينې
د يزيد خونى پالنګ کښې ډکې ليچې نرمې سپينې
څومره ګران سړک دې جوړ کړو
دعويدار له ستا د مينې
ستا قسمت داسې سوزل کړى
لکه بې مطلبه اور
ستا جهان داسې ورانيږى
لکه بې مالکه کور
Khalak Hum waye che shta day
Zra me hum wayi che ye ta, kho Jehan di Dase Khakri. Laka be malika koor. Ghani Khan Nazam.
Pashto Poems By Ghani Khan Baba
Singer. Engineer Momand. Kho Jehan di dase khkari, Laka Be Malika kor..
Comments
Post a Comment
Thanks for visiting Pashto Times. Hope you visit us again and share our articles on social media with your friends.