How Afghans Opposed Ghazi Amanullah Khan? Pashto Blog
نن د دې کتاب د لوستلو ورځ ده!
امان الله خان سړه ساه وایسته
ــ ای پرنګیانو، حق مو و، وطن مو را غرق کړ
ومې خندل
ــ ته هم ګرم وې، ډېر تېز روان وې
غلی شو، بېرته پر خپل ځای کېناست، پیاله یې ور پورته کړه، ویې ویل:
ــ سم وایې! زه تېز تلم، ځکه وخت کم و، ما ویل چې په خپل ژوند کې یو پرمختللی افغانستان ووینم. داسې وطن چې اوسېدونکي یې د دې خلکو په څېر آرام ژوند ولري، لوږه ونه پېژني، تعلیم وکړي، د ځان او نورو په حقوقو پوه شي، ښه او بد ور مالوم وي، په کورونو کې د مورچو جوړولو پر ځای، د کتابونو ځای جوړ کړي ... نور یې په یو او بل نوم غلط نه کړي....
غلی شو له پیالې یې سور وکړ، سوړ اسویلی یې وایست:
ــ ایټالویان له دوهمې نړیوالې جګړې راووتل، ټوله ایټالیا خاورې شوه خو خلک یې پوه او تعلیم یافته ول، په لسو کلونو کې یې بېرته ايټالیا، ایټالیا کړه، اوس موټرې او طیارې جوړوي، خو زموږ خلک بېسواده ول، ماغزه به مې ورسره وخوړل، په عادي خبره به یې قناعت نه کاوه.
غلی شو، یو دم یې ترخه وخندل:
ــ یو وخت څو سپینږیري راغلل، دوی په کابل کې رېل لیدلی و، غوسه یې نه کڼټرولېده، ویل یې چې ښار ته دې د اوسپنې ښامار راوستی، خوراک یې اور دی، شیطان یې چلوي.... رادیو یې نه منله، ویل یې په مینځ کې یې واړه واړه شیطانان ناست دي... خلک له دینه باسي...تلیفون کوپر ورته ښکارېده، ویل یې چې له دینه اوښتی یې، له شیطان سره غږېږې.
دې خلکو آن په پخه خښته او پوخ دېوال کې هم شیطان لید....پوهېږې چې ولې؟
علت یې بې سوادي وه.
ما باید داستونزه حل کړې وای، مکتبونه مې جوړ کړل، غوښتل مې چې دا خلک له تیارې وباسم، په هر څه یې پوه کړم ... خو دوی مکتبونه هم نه غوښتل ... د کوپر ځالې یې بللې
بغدادي پیر
Rn Lrmal
Courtesy Kitabton FB Page.
Comments
Post a Comment
Thanks for visiting Pashto Times. Hope you visit us again and share our articles on social media with your friends.