Khushal Khattak Baba Kalam With Meanings of Difficult Words
مار که هر څو پېچ و خم ځي
خپلې سوړې لره سم ځي
د غفلت له خوبه وښ شه!
شيرين عمر دم په دم ځي
مرګ به هېڅ سړی پرې نه ږدي
وار په وار په درست عالم ځي
بې دليله به ځان ورک کا
مسافر چې په تورتم ځي
د پښو وار يې خطا کېږي
چې قاضي لره څوک ګرم ځي
که قضا و ته تسليم شي
هم په دا له دله غم ځي
د دوزخ د اور علاج کا
چې سحر تر سترګو نم ځي
هغه عمر لکه باد دی
چې په غم د بیش و کم ځي
چې تور مشک دې حبطه کړل
په کافورو څه ستم ځي
چې نه پول لري نه پوله
هغه هر چېرته خرم ځي
منډيې مه پرېږده خوشحاله
که دې سر لکه قلم ځي
_
_
_
خوشحال خان خټک
کليات مخ _ ۳۴۴/۴۵
پېچ و خم :- ګډ وډ
(پاملرنه :- فارسی اسم "پیچ" بطور معطوف الیه سره "و" بطور حرف عطف لګېدو سره فارسی اسم "خم" بطور معطوف مېلويدو نه مرکب عطفی جوړ شه. پښتو کښې بطور اسم استعماليږي)
قضا :- حکم، د خدای امر، هغه الهی حکم چې د مخلوق په حق کې واقع شوی وي، ابدي فرمان، الهي فرمان
(پاملرنه:- قضء ← قَضا عربی ژبه کې ثلاثی مجرد په باب کې مشتق اسم ده۔ عربی نه پښتو ته اصلی معنی و
ساخت سره داخل شوه او بطور اسم استعماليږي
Pashto Times. Khushal Khattak Pukhto Ghazal.
Khushal Khattak Baba Kalam With Meanings of Difficult Words
Comments
Post a Comment
Thanks for visiting Pashto Times. Hope you visit us again and share our articles on social media with your friends.