Lewania Iman Sa De? Pashto Poem by Ghani Khan Baba

 Lewania Iman Sa De? Pashto Poem by Ghani Khan Baba

لېونيــه ايــمان څـــه دى ؟

مــلا دا دى پـــوخ ګومــان 

د يــو خوب په زړه ليده دى 

د وصــــلونـــو د جانــــان 

لېونيـــه جنـــت څه دى ؟

ملا ستــا جنــت پېتى ده 

او زما جنــــت وصال دى 

يــو خمار يوه مســتى ده 

لېونيــــه حــوره څـــه ده ؟

مـلا سپيـــنه لولـــکۍ ده 

يــــوه کرښــه د شفق ده 

د خنــــدا بوړبوړکـــۍ ده 

لېونيــــه نــشه څـــه ده ؟

ملا دا پـــه سېل واتــه دى

د مستۍ رنګين محل کښې 

دا واتــــــه ننواتـــــه دى

غنى خان 

پښتو شاعرى