Understanding Of Ghani Khan Baba. Explanation of Ghani Khan Nazam Jwand.
Poem. Jwand Means Life
Lyrics. Har sa Da Rab, Hama da Rab
ژوند
هر څه د رب او همه د رب زه يو ماښام له راغلے يم
باغ او انګور ميخانه ديار زه خو يو جام له راغلے يم
مينه مستی او خمار دبل رقص او خندا او سينګار دبل
ګل او نرګس او ګلزار دبل
زه يې تش ديدار له راغلے يم
زه دلولکۍ وړې په شان ګل او غوټئ او بهار ګورم
زه لکه شمع بليږمه ښائست او مستی د دلدار ګورم
لوې سمندر د مستئ له ما څاڅکے د رنګ راوړے دے
زه پرې د نمر رڼا لټوم ما هم مشال بل کړے دے
هر څه د رب او همه د رب
زه يو ماښام له راغلے يم
باغ او انګور ميخانه د يار
زه خو يو جام له راغلے يم
ژوند د دنيا د هر نعمت نه خوږ او د ټولونه زيات نا پائيدار، چې د هغه خوږوالی د هغه ناپائيداری او عارضيت پټ کړے دے.ژوند څه څيز دے ولې او د څه مقصد لپاره څنګه ، د څه نه او څوک يې پيدا کوی ؟ او ولې دومره زيات بې وفا دے ؟
مونږ وئيلے شو چې ژوند په زمانی مکان کښې دخپلې اغازی نقطې نه د نقطه انجام په لور يون دے.ابن خلدون ژوند په زمان کښې يو پرله پسې خوځښت ګڼی (۱) ابن مسکويه ژوند يو مخ په وړاندې تلونکی خوځښت ته وائی (۲) حمزه شنواری وائی ژوند يو داسې کليه ده چې د هغې په وجود کښې فکر،اراده ، حرکت او طاقت ټول د افرادو په حيث شامل وی.مونږ په مجازی ډول ژوند ته يو صفت وئيلے شو. ليکن په حقيقت کښې هم دغه د ذات حيثيت لری (۳) د نياز فتح پوری په خيال ژوند يوه ښائسته مګر بدکاره ښځه ده هر څوک چې د دې بد کاری وينی د هغې د ښکلا نه کرکه کوی. ژوند يوه ښځه ده چې د انسان زړه خپل دوست جوړولے شی ليکن خاوند نه . ژوند يوه ښځه ده چې د هاغه رڼا ورځو جامې اغوندی چې د تورو شپو پيوندونه پرې لګيدلی وی. ژوند يوه داسې ښځه ده چې د خپلو عاشقانو په اوښکولامبی او د خپلو شهيدانو د وېنو خالونه ږدی
برق جيلانی وائی زه کله کله په شک کښې شم چې ژوند ، ژوند ، نه بلکې د ژوند خوب دے. زمونږ اصل ژوند د پيداکيدونه مخکې چرته سر ګرم وو. او د مرګ نه وروستو به بيا سرګرم عمل شی لکه څنګ چې مسافر له په تلو تلو کښې خوب ورشی. په خوب کښې هغه يو ښکلے خوب ليدل شروع کړی. دغه شان په تلو تلو کښې مونږ ويده شو او يو خوب شروع شی. پدې خوب کښې راپاڅيدو تعليم يو اوکړو. نوکران شو. پينشن يو واخست. زاړه شو ، مړه شو او نا څا په يو سترګې او غړېدې او معلومه شوه چې څه مو وليدل او واورېدل يوه افسانه وه. ژوند د ترکيب عناصرو او مرګ د عناصرو د يو بل نه د جدايئ نوم دے ؟ لکه چک بست وائی ---
زندګی کيا هے ؟ عناصر مين ترکيب ظهور
موت کيا هے ؟ انهی اشيا کا پرېشان هونا
د ځان غولولو هم دغه يوه لاره ده چې مرګ به د ژوند راز ښکاره کړی. هر ژوندے به د مرګ مزه څکی. الله پاک فرمائی هوالذی خلقم من طين ثم قفی اجلا (۴) يعنې الله تاسو د خاورې نه پيدا کړئ او په خپل وخت به مرئ. عبدالرحيم روغانی هم دې نقطې ته اشاره کړېده چې ---
ژوند د ولولو نه ډک يې هله راپېدا کړو
کله مړه ماده چې په چور لک شوه لکه ډمه شوه
اشرف مفتون ژوند د منطق او فلسفې نه زيات ژور او فراخه ګڼی لېکن د تضاداتو نه ډک ----
چرته خېر دے چرته شر دے چرته شرنګ دے چرته کړنګ دے
ژوند که ګورې نو تضاد دے د رنګونو سره راشی
په قول د خوشحال بابا لکه د ماديت پر ستو- - -
وړاندې وروستو دوه عدم په دامينځ کې يو دوه دم
واورئ چې غنی خان څه وائی
؛ تلے مرګ ؛
په لکها کاله اوده وی يوساعت له رابېدار شی
څولکها به نور اوده وی چې روان د مرګ په لارشی
شاته تور يو سمندر دے مخکې لا توره بلا ده
مينځ کې يو د شبنم څاڅکے په غور ځنګ لکه ابشار شی
د ادم زړه دکتو دے د ده توره دريابی ده
داسې تلو داسې راتلو کې دے بې خوده شی خمار شی
ووپکار چې ساعت ژوند يې په ژړا ژړا تيرولے
که دے ډير په ليلا مست شی خو اخر به د مرګ يار شی
نه په تلی مرګ ستومان يم نه راتلونکی نه يرېږم
ځه به تل دغسې خاندم
که په اور شی که پدار شی
غنی خان هم لکه د خوشحال بابا ژوند د نشت د تورو سمندرونو په مينځ کښې د شبنم يو څاڅکے ګڼی او مرګ د نوی ژوند ابتدا. ځکه خو هغه پر اميده هم دے.د خپل نشت په مرګ خفه نه دے ځکه چې د هاغه مرګ وروستو يې د اطبيعی ژوند موندلے دے او نه د راتلونکی مرګ نه وېرېږی اوولې به وېرېږی او د خندا نه به خله واړوی! چې د چا پخپل محبوب دومره سخت باوروی او د ويصال پائيداره تمه چې --
د داسې هنر مند هنر له نشته دے تمام قسم دے جهانونه شته ښائسته د دې جهانه
خو هغه ژوند صرف دغه تمه نه ګڼی بلکې د دې لپاره هغه د کړاونو تيرولو او د کوښښ کولو او د خپل منزل د حصول په لاره کښې د تګ و دؤ پيلامه ورکوی. د دغه اميد نه که هرڅو مطمئن دے خو پخپل همت يې حاصلول غواړی لکه چې وائی ---
ژوند خوتله دی په يو مخه غورځيدل او پاڅيدل دی
ټکے سوز او ټکے ساز دے څه خندل دی څه ژړل دی
ژوند په سترګو د عاشق کې پلوشه ده د خمار
په صحرا کې لټول دی د اشنا د کوڅې لار
هغه ژوند مقصدی ګڼی او د ژوند دغه تګ و دؤ د اشنا د کوڅې لار لټول او په هغه قربانيدل
د ژوند مقصد :- ژوند مقصدی دے که اتفاقی ؟ که مقصدی وی نو خير دے ؟ او کوم مقصد لری. ارسطو وائی د ژوند مقصد په دې وجه خير نه دے چې خير بذات خود ښه شے دے بلکې د خوشحالۍ ګټلو لپاره دے. د عزت ، مزې ، او عقل لرلو مقصد دا دے چې د دې په ذرېعه خوشحالی حاصليږی (۵) سپائی نوزا وائی خوشحالی د طاقت د زيات والی دويم نوم دے.(۶) ويل ډېورانټ وائی لذت والم زمونږ د خواهش اسباب نه دی بلکې د هغې نتائج دی. مونږ د څيزونو خواهش د دې لپاره نه کوؤ چې د هغې په حصول مونږ ته خوشحالی ميلاوېږی. مونږ ته خوشحالی د دې لپاره ميلاوېږی چې زمونږ خواهش پوره شی. د شيفټس بری په خيال ښکلا او تناسب د ژوند مقاصد دی. هم د دې په ذرېعه انسان په شخصی او ټولنيز ژوند کښې د امن ، سلامتيا او خوشحالئ په جنت کښې ووسی
۷
ليکن رښتونے ښائست په عمل کښې په نظر راځی. حمزه شنواری مسرت يو غير دائمی څيز ګڼی. او د يو ساعت خوشحالئ سيوا يې هيڅ اهميت نه تسليموی (۸) جان رسکن وائی چې کوم ځائے د حق لټون شروع شی هلته ژوند شروع کيږی او چې کوم ځائے تلاش ختم شی هلته ژوند هم ختم شی (۹)
Pashto Times.
Understanding Of Ghani Khan Baba. Explanation of Ghani Khan Nazam Jwand. Comparison Of Khushal Baba with Ghani Khan Baba.
Poem. Jwand Means Life
Lyrics. Har sa Da Rab, Hama da Rab
ژوند
پسې بیا
Comments
Post a Comment
Thanks for visiting Pashto Times. Hope you visit us again and share our articles on social media with your friends.