May Ziade Beauty And Khalil Jibran. Love Story In Pashto

 May Ziade Beauty And Khalil Jibran. Love Story In Pashto

تصوير د لبنانۍ يسوعۍ ليکوالې (مى زياده) دى

شل کلنه وه چې له خپل هيواد لبنان څخه مصر ته لاړه مهاجره سوه

څنګه چې تصوير کې ليدل کېږي نو برابره متوسطه چهره يې ده د ښايست په مقياس، ډېره زياته ښايسته نه ده او ډيره بده هم نه ده.

کله چې مصر ته ورسيده د شرق او غرب لوى اديبان او ليکوالان او علماﺀ او شاعران او سياسي او بانفوذه چهرې ورباندې مينې سوې، ټول يې په مينه کې ذوب اوبه او ليوني سول

د مينوالو ليست يې اوږد دى خو نامتو پکې بيا:

❤️ لوى شاعر او اديب جبران خليل جبران (ويل کېږي چې همدا يواځينى مين وو چې مى زياده هم پرې مينه وه) خو تر مړينې يې ملاقات ونه سو. 

❤️ لوى اديب او ليکوال او مفکر طه حسين. 

❤️ لوى اديب او ليکوال مصطفى صادق الرافعي (ويل کېږي چې هر غزل او د مينې نثر يا داستان چې رافعي ليکلاى هغه به يې خامخا مى زياده ته استولو). 

❤️ امير الشعراﺀ أحمد شوقي، مى زياده لپاره يې خورا ښايسته نازکخیاله شعر ليکلاى. 

❤️ لوى اديب او ليکوال محمود عباس العقاد (يواځينى مين وو د مينانو په کتار کې چې مى زياده غېږ ورکړې وه او هغه يې مخ يو ځل ښکل کړاى وو). 

❤️ شيخ الأزهر مصطفى عبدالرزاق (ويل کېږي چې د مى زياده مينه يې زړه کې طوفانونه وهل خو مخامخ به ورته مدهوش غلى په سيل او تماشو ناست وو پرته له وينا خو کله به چې پناه سو د مينې او ليوني احساساتو ليکنه به يې پخپل قلم بيانوله).

❤️ شاعر او اديب ولي الدين يکن.

❤️ قاضي او اديب عبدالعزيز فهمي.

❤️ مفکر او فيلسوف أحمد لطفي السيد.

❤️ لوى اواره لبنانى شاعر او اديب خليل مطران.

❤️ لوى اديب او ليکوال مصطفى لطفي المنفلوطي.

❤️ د المغرب شهزاده محمد الجزائري (د تښتولو او په وچ زور د نکاح هڅه يې کړې وه او د مى زياده د برمته کولو دسيسه يې د رشوت په ذريعه د کور مزدور سره جوړه کړې وه چې خوشبختانه پلان ناکام سو او مى زياده خپل مزدور ته بښنه وکړه او د کومو پيسو ژمنه چې شهزاده ورسره کړې وه هغه ورته مى زياده پخپله ورکړلې). 

په هرحال د مينانو دومره اوږد کتار کې له يو سره هم مى زياده واده ونکړو تر مړينې او يادشوي اکثره مينان جره مړه سول ځکه هغو د مى زياده په څېر بله مينه موندلاى نه سوه.

پوښتنه دلته ده چې دومره لوى شاعران او مفکرين او بانفوذه سياسي شخصيتونه او اديبان او شيخان او علماﺀ کرام به ولې په مى زياده خپل زړونه بايلل او د ليونتوب تر کچې پرې مينان کيدل؟

ستاسو په شاعرانه ګومان سره به په مى زياده کې څه راز او جادو او کشش وو چې دومره مخلوق يې د مينې په سمندر کې غرق شول؟

لیک. قاضي باران

May Ziade Beauty And Khalil Jibran. Love Story In Pashto. Lovers of May Ziade and Khalil Jebran Love Story In Pashto. Pashto Love Story. Pashto Article about Khalil Jibran and his beloved May Ziade.