How We Get Pakistan Independent? Urdu Article By Mubashar Hassan

How We Get Pakistan Independent?  Urdu.

Pakistan as a Bi Product Of Crimean War In 1856.

ہم نے پاکستان کیسے حاصل کیا؟

میرے اندازے کے مطابق پاکستان کا قیام جنگِ کریمیا کا ایک بائی پراڈکٹ (by praduct) ہے۔1856ء میں کریمیا کے مقام پر برطانوی  فوجیوں نے (جنہیں فرانسیسی اوراطالو ی سپاہیوں کی مدد بھی حاصل تھی)بے انتہاجانی اورمالی قربانی دے کر روسی شہنشاہ پیٹر دی گریٹ کی اُس جارحانہ پیش قدمی کوروک دیا تھا۔ جو کہ وہ ترکوں (مسلمان) کے زیر نگیں عیسائی علاقوں کو آزاد کرانے کیلئے کررہا تھا۔یعنی(جنگ کریمیامیں) عیسائیوں نے بے انتہا جانی اورمالی قربانیاں دے کر ایک ایسے شہنشاہ کو شکست دے کر بھاگنے پر مجبورکردیا جو(بظاہر) عیسائیت کے فروغ کیلئے مسلمانوں کو تباہ وبرباد کررہا تھا (اس واقعے سے قرآنِ پاک کی ایک آیت کریمہ کی اُس تفسیر پر بھی ضرب لگتی ہے جو کہ ہمارے اکثر مولوی صاحبان بہت کثرت سے دہراتے رہتے ہیں کہ عیسائی اوریہودی تا قیامت مسلمانوں کو نقصان ہی دیتے رہیں گے، ان سے فائدے کی امید نہ رکھی جائے،)مگر جنگِ کریمیا کا ایک نقصان بھی ہوا،اور وہ یہ کہ ا س کے بعد روسی افواج نے اپنی فتوحات کے لئے ایشیاء کارخ کرلیا

ان حملوں کا اختتام ہندوستا ن پر ہونا تھا کہ اس سے آگے سمندر تھا۔ گرم پانی کا سمندر،جس کی تلاش ہمیشہ سے روسی حکمرانوں کو بے چین رکھتی رہی ہے۔یہی وجہ ہے کہ جنگِ کریمیا کے بعد ہم مسلسل انڈیا آفس لندن کی پالیسیوں کو تبدیل ہوتا ہوا دیکھتے ہیں۔جو کہ روسی فوج کی پیش قدمی کے ساتھ ساتھ تبدیل ہورہی تھیں۔ اب جبکہ انگریز ہندوستا ن کو چھوڑ دینے پر رضامند ہورہا تھا تو ا س پسپائی سے پہلے وہ ہند کی مغربی سرحد کو برفانی ریچھ کے پنجے سے ہمیشہ کیلئے محفوظ کردیناچاہتا تھا۔اسی لئے ہند کی شمال مغربی سرحد پر ایک علیحدہ ملک(پاکستان) بنانے کا فیصلہ کیا گیااوراس منصوبے کو کامیابی سے پایہ تکمیل تک پہنچایاگیا۔اگلے صفحات پر میں اس انتہائی خفیہ منصوبے کی ایک جھلک دکھانے کی کوشش کروں گا۔ 

یہ تما م واقعات میں نے ایک سابق

 i,c,i,

افسر اورگورنر جنرل لارڈ ماؤنٹ بیٹن کے A.D.C.رہنے والے جناب نریندر سنگھ ساریلا صاحب کی کتاب(گریٹ گیم کی پرچھائیں) سے لئے ہیں۔ہندوستان کے محکمہ ئ خارجہ سے وابستگی اورکلیدی عہدوں پر فائز رہنے کے باعث ان کے پا س تاریخی حقائق کو جاننے اورپرکھنے کے قیمتی مواقع موجود رہے ہیں۔ وہ لکھتے ہیں ”اندازہ ہے کہ سنٹرل ایشیا ء میں روسی سلطنت کے پھیلاؤ کے سبب انگریزوں کو یہ خطرہ لاحق ہوا کہ کہیں وہ ”تاجِ برطانیہ کے سب سے قیمتی موتی“(ہندوستان) کو اپنے قبضہ میں کرنے کی کوشش نہ کریں۔جوں جوں زار روس کی فوجیں وسطِ ایشیا ء کی ریاستوں یعنی خیوا٭ بخارا ٭ قوقند ٭ثمرقند اورتاشقند وغیرہ کویکے بعد دیگرے فتح کرتی گئیں،برطانیہ کا یہ خدشہ زور پکڑتا گیا کہ افغانستان روس کے ہند پر حملے کیلئے اولین چوکی کا کام دے گا

 دوسری جنگِ عظیم کے درمیان یا شاید اس سے بھی بہت پہلے،اعلیٰ برطانوی (فوجی و سول) حکام نے سمجھ لیا تھا کہ جلد یا بدیر انہیں اپنا گذشتہ پچا س سال پرانا فوجی مستقر (ہندوستان) چھوڑنا ہوگا:تب سے ان کا دھیان اسی جانب تھا کہ جنوب کی جانب روسی پیش قدمی کے خلاف برطانوی دولت مشترکہ کی جانب سے بحر ہند اورطاقت (تیل) کے کنوؤں کے دفاع میں (ان کے ہندوستان سے رخصت ہوجانے کے نتیجہ میں) جو خلا پیدا ہوگا،اس کو کس طرح سے پر کیا جائے گا؟اس کا حل تلاش کرتے ہوئے انہوں نے متبرک برطانوی روایا ت کے مطابق  ہندوستان میں موجود مواقع اورامکانات کا جائزہ لینے کے بعد چرچل کے الفاظ میں یہ طے کیا کہ ”ہم(برطانوی) یہ نہیں سوچتے کہ تیزی سے بدلتی ہوئی اورناقابل بیان صورت حال اوراصولوں کے مطابق ہی عمل کرنا چاہیے …… ہم تو موقع پرستی اورحالات کے مطابق ڈھل جانے کو زیادہ اہمیت دیتے ہیں۔ہم پیش آنے والے حالات کے مطابق زندہ رہنے اورفتح مند ہونے کو ترجیح دیتے ہیں ناکہ ان حالات و واقعات پر اعلیٰ اوربنیادی اصولوں کے مطابق غلبہ پانے کو

سابق گورنر 

NWFPسراولف کیر و 

(Sir olef  caroe)

 نے اپنی ریٹائر منٹ کے بعد برطانوی دفتر خارجہ کی خواہش پر ایک لیکچر ٹور پر امریکہ کا دورہ کیا تھا۔ وہ امریکہ کو یہ بتانا چاہتے تھے کہ کراچی کی بندرگاہ اورخلیج فارس کے دہانے پر واقع بلوچستان کا ساحل برطانیہ کی بقا کیلئے کتناضروری ہے۔برطانیہ کے غیر منقسم ہندوستان میں اڈے ……جو کہ اب پاکستان میں ہیں …… 1801ء سے مشرق وسطیٰ میں استحکام برقرار رکھے ہوئے ہیں۔یعنی جب سے روس کے زار پال کی نظر اس علاقے پر پڑی،اس علاقے کیلئے رو س کا دباؤ ……خاموش، نہایت مضبوط اوردائمی …… تھا۔روس میں کمیونزم آجانے سے اس دباؤ میں کوئی کمی نہیں ہوئی۔البتہ اب ہندوستان کا سہارا ختم ہوچکا ہے مگر ہمارے لئے ایک ”نیا ہندوستان“ (ہمارے مفادات کی حفاظت کرنے والا)جنم لے چکا ہے،یعنی پاکستان۔ایک ایسی مسلم ریاست،جو کہ دوسری مسلمان ریاستوں کے ساتھ مل کر ایک مضبوط دفاعی حصار بنا سکتی ہے۔پس ہماری توجہ ان زمینی حقائق کی طرف مبذول رہنی چاہیے

Pashto Times Tags.

Crimean War and Pakistan. Crimean War bi product. Crimean War in Urdu. Urdu Article About Crimea and Crimean War. Urdu History blogs about Crimea. How We Get Pakistan. Sir Olaf Cairo about Creation of Pakistan.