Qoom Sa Ta Waye? What Is Nation? Explained In Pashto

 Qoom Sa Ta Waye? What Is Nation? Explained In Pashto

قوم څه ته ویل کیږي؟

لومړي برخه

کتاب: قوم او قومیت(ستالین)

ژباړه: غورځنګ اتل

ياداښت: یاد کتاب په پوره توګه ژباړل شوې دی، ډېر زر به ستاسو لوستونکو سره شریک کړل شي.(غورځنګ اتل)

د قوم په ترکیبي لړۍ له پوهیدلو څخه مخکې؛ باید په دې ځان پوه کړو، چې قوم د یوې قبیلې یا انساني ټولنې یا د یوه  نسل وګړو ته نه ویل کیږي. د بېلګي په توګه؛ که داسې ووایو، چې د بریتانوي قوم ټول وګړي، زرګونه کلونه مخکې د یوې قبیلې زامن دي یا له یو نسل سره اړیکې لري. نوې ایټالوي قوم له بې شمېرو انساني ټولنو او نسلونو څخه منځته راغلې ده، د بیلګې په توګه رومیان، المانیان، یونانیان، عربان او همداسې نور. په دغه ډول فرانسوي قوم هم د لومړیو زمانو د بې شمېرو انساني ټولنو او نسلونو پایله ده، لکه څنګه چې رومیان، بریتانویان، آلمانیان او همداسې نور... بریتانوي او آلماني قومونه هم په دغه ډول منځته راغلي، یانې د دوی په وینه کې هم د مختلفو قومونو او نسلونو د وینو آمیزش پروت دی. لنډه دا، چې قوم د یوې قبیلې یا نسل له بطن څخه منځته نه راځي. د قوم په ترتیب او تعمیر کې د تاریخ لوی لاس پروت دی. تاریخي کړنې او تاریخي ځواکونه د مختلفو نسلونه او ټولنو وګړي د قومیت له اړیکې سره تړي. تاریخ ده، چې قومونه منځته راوړي، نه چې نسلونه او قبیلې

خو دلته د یوې سترې تیروتنې د منځه وړلو اړتیا ده. کېدای شي څوک ووایې: د سکندر ستر سلطنتونه هم د تاریخي ځواکونو تولید ول، خو آیا د دې ټولو سلطنتونو ټولو وګړو ته د یوه قوم نوم ورکولای شو. واضح ده، چې نه. واضح شوه موږ یوې داسې انساني ډلې ته، چې تاریخ منځته راوړې وي د قوم لقب نشو ورکولای.  د دغه پروسې د بشپړولو لپاره یو بل شرط ته اړتیا ده. تر ټولو له مخه موږ باید په دې پوه شو، چې د سکندر یا سیرس سلطنت ته ولي د قوم نوم نشو ورکولای؟، په حقیقت کې دغه ټولو سلطنتونو د مختلفو انساني ډلو حیثیت درلودي. د دې ډلو ترمنځ هیڅ ډول مشترکه اړیکې نه وې. دغه سلطنتونه یوازې د ځینو بهرني ځواکونو په مرستې رامنځته شول او له مخې یې د مختلفو انساني ډلو د سیاسي ژوند اتحاد رامنځته کیده. دا څه ډول بهرني ځواکونه ول، چې دوی به یې په لنډمهاله توګه  د یوه سیاسي نظام لاندې را ټول کړل؟ د بیلګې په توګه، د یوه فاتح فتح او که وروسته بیا دغه فاتح یا  زامنو یې ماتې خوړل، نو بیا به د دغه سیاسي اتحاد ریښې وشلیدل او د شته سلطنت انساني ډلې به سره ووېشل شول . پایله یې دا شوه، چې موږ یوې داسې انساني ډلې ته د قوم نوم نشو ورکولای، چې په لنډمهاله توګه منځته راځي. د قوم لپاره باید دغه انساني ډله اوږدمهاله اتحاد ولري. قوم د انسانانو د قوي او اوږدمهالې ډلې نوم دی او دا هغه شرط دی، چې له بشپړولو پرته د تاریخ له مخې منځته راغلو انساني ډلو ته د قوم نوم نشو ورکولی

خو موضوع په دې ځای پای ته نه رسیږي. دا هم یو ستر حقیقت دی، چې موږ قوي او اوږدمهاله ډلې ته د قوم نوم نشو ورکولای. د بیلګې په توګه، د استریا یا روسیې بېلګه درواخلي. دا دواړه د قوي او اوږدمهاله سیاسي ډلو نوم دی، خو موږ دې دواړو ته د قوم نوم نشو ورکولای. استریا یا روسیه د قوي سیاسي ډلې نوم دی، خو قومي ډلي نه دي

د قومي او سیاسي ډلې ترمنځ توپیر کول کوم ستونزمن کار نه دی. د دواړو ترمنځ بې شمېره توپیرونه شتون لري، تر ټولو مهمه خبره یې دا ده، چې د قوم د وګړو ترمنځ د یوې ژبې ویونکي اړین دي. د سیاسي ډلې لپاره د ژبې یوالې اړین شرط نه دی. د چکسلواکیا قوم ځکه منځته راغی، چې هلته ټولو وګړو یوه ژبه کارول او د پولنډ قوم هم د یوې ژبې له مخې منځته راغلې. د دې برعکس په روسیې او استریا کې سیاسي اتحاد منځته راغلې، خو د دواړو هیوادونو دننه مختلفې ژبې ویل کیږي. دلته له ژبې څخه موخه جلا – جلا ژبې دي، چې خلک یې د خپلو ورځنیو چارو لپاره کاوري. له دې څخه موخه دفتري ژبه نه ده، خو ژبنيز اختلاف  په روسیې او استریا کې پر سیاسي اتحاد باندې کومه اغېزه نه کوي، نو لنډه دا چې د قومیت لپاره یو مهم شرط مشترکه ژبه هم ده

انځور_ امریکایي قوم!

Nation And Nationalism In Pashto. Pashto Article Translated about Nation And Nationalism In Pashto. Pukhto Mazmoon. 

Stalin Book Nation And Nationalism In Pashto. Book Name Qoom Aur Qomiyat By Joseph Stalin. Qoom Sa Ta Waye? What Is Nation? Explained In Pashto