Salam and Greeting Rituals by Ali Abbas Jalalpuri

 Rituals by Ali Abbas Jalalpuri

قدیم زمانے میں ہاتھ اٹھا کر یا مصافحہ کر کے ملنے سے یہ جتلانا مقصود ہوتا تھا کہ میرے ہاتھ خالی ہیں اور میرے پاس کوئی ہتھیار نہیں ہے جس سے کسی قسم کا خطرہ ہو سکتا ہے

یہ اُس دور سے یادگار ہے جب ہر وقت ہر شخص سے جان کا خطرہ لاحق رہتا تھا

قدیم رومہ میں پورا بازو اٹھا کہ ایک دوسرے کو سلام کیا کرتے تھے

یہی طریقہ بعد میں ناتسیوں نے اختیار کیا

عرب اور ایرانی دوست آمنے سامنے آتے تو ایک دوسرے سے گلے ملتے اور گالوں پر بوسہ دیتے تھے

ہندو دونوں ہاتھ جوڑ کر نمستے کہتے ہیں یا بزرگوں کے پاؤں چھو کر پیریں پوناں کہتے ہیں

یہودیوں کا سلام ہے شولوم علیخم جو عربی میں سلام علیکم بن گیا

سنی مسلمان السّلامُ علیکم کہتے ہیں جب کہ شیعہ سلام علیکم کہتے ہیں

مرید پیر صاحب کے پاس آئے تو اس کے ہاتھ چوم کر سر آنکھوں سے لگاتا ہے اور سر سجدے میں رکھ دیتا ہے اسے سجدۂ تعظیمی کہتے ہیں

چین اور مصرِ قدیم میں رواج تھا کہ جب کوئی بزرگ راستے میں ملتا تو نوجوان ادب سے ایک طرف ہٹھ جاتے تھے

کوئی بزرگ کسی محفل میں آتا تو نوجوان سرو قد کھڑے ہو کر تعظیم کرتے تھے اور اسے مناسب جگہ پر بٹھا دیا جاتا تھا

بادشاہوں نے عجمی طور طریقے اختیار کئے تو سلاطین کے سامنے سجدہ کرنے کا رواج ہوا

کوئی شخص شاہانِ ایران کے حضور باریاب ہوتا تو وہ اپنے منہ پر کپڑا لپیٹ لیتا تھا مبادا اس کی سانس سے بادشاہ سلامت آلودہ ہو جائیں

بادشاہ کے تخت کے سامنے جالی کا پردہ پڑا رہتا تھا

بسا اوقات جالی چوم کر سجدے میں گڑ پڑتے تھے

بادشاہ گھوڑے پر سوار ہوتا تو اس کی رکاب چومتے تھے

جلال الدین اکبر نے زمین بوسی کو رواج دیا یعنی اس کے سامنے جا کر لوگ زمین چومتے تھے

بادشاہ کے حضور باریاب ہونے والا سر جھکا کر زمین کے قریب لے آتا اور نقیب آواز پر تین دفعہ زمین چومتا تھا

رسوم اقوام

علی عباس جلالپوری

Ali Abbas Jalalpuri Urdu Article about Salam In different religions, Nations and Civilizations. Greetings and Salam In Old religions and cultures. Urdu Mazmoon. Salam Yahodiat, Hindumat, Aur Degar Aqwam main.