Saadat Hassan Manto. Pashto Translation Of Manto.
License Afsana by Saadat Hassan Manto
By Samun Afghan
بیا ځلې
د ښځې د کار جواز( لایسنس)
د منټو افسانې په نوم کتاب کې منټو يوه کيسه ليکلې ده چې څنګه يوه پاک لمنه ښځه د ټولنې له بې شعوري فحشا او ځان پلورنې ته اړه کېږي
زه به یې لنډه درته ولیکم
ابو ټانګوال ډېر مست او خوشال انسان وو، ابو ټانګه ډېره په شوق ساتله يوه ورځ تر ونې لاندي په چورت کې ناست دی چې يوې پېغلي غږ پرې وکړ چې ما تر پلانکۍ اډې پوري و رسوه، ابو چې کله نجلۍ ته ګوري په لومړي نظر یې نجلۍ خوښېږي خو بالاخره په کرايه سره جوړېږي او نجلۍ ټانکې ته خېژي او روانیږي په لاره ابو د نجلۍ خواته نظر کوي نجلۍ چې نيتۍ نومېږي د ابو په نيت باندي پوهېږي تر يو ځايه چې رسېږي ابو ټانګه دروي او شاته سيټ کې د نجلۍ خواته کېني د نجلۍ لاسونه نيسي او توصیف یې کوي ورته وايي چې که ماته په نکاح شوې لکه ملکه داسې به دي پالم خو که ماته واده نه شوې ستا مخته به مرۍ پرې کوم خو بلاخره دواړه واده کوي يو له بله سره ډېر خوشال وي چې يو ورځ ناڅاپه پوليس رازي او ابو زندان ته د اختطاف په کيس کې بيايي او دوه کاله قيد کېږي په اوونۍ کې يو ځل د ابو او نيتۍ ليدنه کېږي د وخت په تېرېدو ابو په يو لا علاجه ناروغۍ اخته کېږي او بالاخره په زندان کې مري
د ابو ټانګه نيتۍ ته پاتې کېږي نيتۍ یې خپل لېور ته ورکوي او د ورځې پنځه روپۍ نيتۍ ته ورکوي لېور يو ورځ ورته وايي چې له ما سره واده وکړه خو په نيتۍ بده لګېږي او ټانګه ځینې را ګرځوي نیتۍ ټانګه د خپل مېړه ملګري ته ورکوي څه وخت وروسته هغه هم د واده وړاندي ورکوي خو نيتۍ یې نه منې د دې سربېره هغه نفر نيتۍ ته لاس اچوي نيتۍ مجبورېږي ټانګه ځینې اخلي بل نا اشنا کس ته ټانګه سپاري هغه هم ورته عمل ورسره کوي نيتۍ مجبورېږي چې خپله ټانګه وچلوي په دې وخت کې د خلکو له ټوکو او خنداوو سره مخ کېږي، خلک د رشخند او له دې سره د اړيکو جوړولو لپاره ټانګې ته راځي تر يو ځايه ورسره ځي بېرته ورسره راځي خو خلاصه دا چې مشتريان یې ډېرېږي او نور ټانګوال دا نه شي زغملی چې نيتۍ دي په کار کې له دوئ مخکې شي خو خلاصه دا چې هيڅ څوک یې په کرار نه پرېږدي څوک یې ځوروي څوک د واده په بهانه د وخت تېرولو لپاره ورته وايي
يو څه وخت وروسته د نيتۍ د ټانګې لایسنس لغوه کېږي نيتۍ فرياد کوي چې ولې مې لایسنس لغوه شو، ولې ښځه کار نه شي کولی ښځه کولی شي د خپل ځان او کورنۍ لپاره حلاله روزي و ګټي خو هيڅوک یې فرياد نه اوري نيتۍ د خپل مېړه قبر ته ځي په چيغو ژاړي خو هيڅ لاس ته نه ورځي خو بالاخره کله چې په نيتۍ د روزي د پيدا کولو ټولې لارې درېږي نيتۍ په ډېره مايوسي ځي او د ځان پلورلو لایسنس اخلي چې د ځان پلورلو لایسنس ورته په ډېره اساني پيدا کېږي
نور نيتۍ مجبورېږي چې د ځان ساتلو لپاره ځان و پلوري او ټولنه هم نور دې ته څه نه وايي
Comments
Post a Comment
Thanks for visiting Pashto Times. Hope you visit us again and share our articles on social media with your friends.