Who Was Amir Kror? Ameer Karorh. Jehan Pahlawan
د پښتو ژبې لومړی شاعر امیرکروړ سوري لنډه پيژندګلوي
امير کروړ سوري دامير فولاد سوري
زوی وو . امیر فولاد دملک شنسب دزامنو په اولاد کې وو چې په غور کې ېې بادشاهي کوله . امير کروړ په کال ۱۳۹هـ ۷۵۶ م کې دغور په مندېش کې حاکم شو ښاغلی کروړ ېو تورېالی، توانمند او غښتلی سړی وو ، په ېوازې ځان ېې دسلو کسانو مقابله کولی شوه نو ځکه په امير کروړ جهان پهلوان مشهور وو چی دکروړ معنی دکلک او سخت ده .او دی هم ځکه ځان ته اتل واېي . امیر کروړ ېو نېک ،سخي او عادل سړی وو . هغه ېو ښه شاعر هم وو ، اکثربه ېې رزمیه شاعري کوله ځکه چې زیات ژوند ېې د جنګ په میدان کې تېر شوی دی . امیر کروړ تر اوسه دپښتو وړومبی شاعر ګڼلی شي . داسې اټکل کېږي چې ښاغلی امیر کروړ په کال ۱۵۴هـ ۷۷۰ ع کې له دې دنیاڅخه د ابدي ژوند په لور سترګې پټې کړي دي .
دپښتو ژبی لومړی شعر چی امیر کروړ لیکلی دی
زه يم زمری پر دې نړۍ لـــه ما اتل نشته
په هند و سند و پر تخار او پر کابل نشته
بل په زابل نشته ..............................له ما اتل نشته
تشریح......
اتل.... زړَور، تکړه، غېرتمند، پهلوان، قهرمان
بابا وایي چې زهٔ زمرے یم مطلب لکه د زمري زړَور یم او په دې دنیا زما نه بل تکړه او زورَور نشته نهٔ په هندوستان کښې، نهٔ په سندھ کښې، نهٔ په تخار کښې او نهٔ په کابل یا زابل کښې
غشی د من مې ځي برېښنا پر ميرڅمنو باندې
په ژوبله يونم يرغالم پر تښتېـــــــــــــدونو باندې
پر ماتېدلو باندې ............................... له ما اتل نشته
تشریح......
میرڅمن...... دښمن
دمن ...... نېغ، پورې راپورې
یونم .... تګ کؤل، رفتار
یرغالم .... حمله کؤل، یرغل، برېد کؤل
ماتېدل.... شکست خوړل، ماتې خوړل
زما غشي په دښمن لکه د ګولۍ ورځي زما حملو ته دښمن نهٔ ؤدرېږي او تېښته کوي
دښمن مې ژوبله او زخمي کړو او ؤتښتېدو
زما غوندې تکړه بل نشته
زما د بريو پر خول تاوېږي هسک په نمنځ و په وياړ
د آس له سوو مې مځکه رېږدي غرونه کاندم لټاړ
کړم ايوادونه اوجاړ.............................. له ما اتل نشته
تشریح.....
بریو .... فتحه، کامیابي
پرخول ..... مراد جنډه
ویاړ.... فخر، غرور
سوو ..... سُم، کوښه
اېواد .... هېواد، ملک
زما د کامیابو جنډه په هر ځاې کښې هسکه ده
زما د اس په سُمونو یا د اس په ټوپونو زمکه خوځي او غرونه مې لتاړ کړل او ملکونه مې ویجاړ یعنې وران کړل زما نه بل تکړه په جهان نشته
زما د تورې تر شپول لاندې دی هرات و جـــــــروم
غرج و باميان و تحار بولي نوم زمـــــــــا په اودوم
زه پېژندو يم په روم ........................... له ما اتل نشته
تشریح.....
جروم ، غرج، بامیان، تخار.....
د ځایونو نومونه
اودوم.... دم، اُودهَ، په اودس کښې
زما د تُورې د سُوري لاندې دي هرات، جروم، غرج، بامیان، تخار او خلق زما نوم ډېر په ویره په اودس کښې اخلي او د رُوم خلق هم ما پېژني
زما نه بل تکړه په جهان کښې نشته
دغه څو شعرونو تشریح مې وکړله...... حمید هاتف
Comments
Post a Comment
Thanks for visiting Pashto Times. Hope you visit us again and share our articles on social media with your friends.