Who Was Mir Akbar Khyber? Pashto Life Story, Bio Data and Biography.
مير اکبر خيبر څوک وو؟
مير اکبر خيبر د افغانستان د خلق دموکراتيک گوند د پرچم ډلې غړی وو. نوموړی يو پوځي افسر وو چې د غوايي د کودتا څخه يوولس ورځې دمخه، په ۱۷م، د اپرېل، ۱۹۷۸ ز. کال کې ووژل شو. مير اکبر خيبر د خپل ژوند په اږدو کې د پرچم د ورځپاڼې د چلوونکي په توگه دنده ترسره کوله، او د دې تر څنگ يې د افغانستان په ملي پوځ کې د پرچميانو د گومارلو دنده هم درلوده
میر اکبر خیبر د میرافضل خيبر زوی، په ۱۳۰۹ ل یا ۱۹۳۲ ز کال کې د لوگر ولايت د پل علم په ښار کې په یوه بېوزله او کروندگره کورنۍ کې زیږېدلی وو . پلار يې عام بزگر و چې زیات وخت يي قران شریف لوست او په پښتو او دري ژبو يي لیکل کولی شول
هغه ته لومړۍ زده کړې د پلار له خوا ، له دیني کتابونو څخه ورکړل شوې وې. خیبر ۱۴ کلن و چې له ازموینې وروسته په رشیدیه ( عسکري لېسه ) کې شامل او د هغې له بشپړتوب وروسته په حربي پوهنتون کې په زده کړو بوخت شو . هغه حربي پوهنتون کې خپلې زده کړې بشپړې کړې خو په ۱۳۳۰ کال له پوهنتون څخه فارغ شو
ميراکبر خیبر د دهمزنگ زندان کې د حکومت پر وړاندې د لاريون او بغاوت کولو له کبله بندېږي . خیبر په زندان کې خپلو زده کړو ته دوام ورکوي، انگریزي او اردو ژبې زده کوي او په زندان کې له نورو سیاسي بندیانو سره اشنا کیږي
په ۱۳۳۵ کال له زندان څخه خلاسېږي . نوموړی له لنډ مهال وروسته ، بېرته کابل ته ځي او د وخت د حکومت له خوا چې لومړئ وزیر يي سردار محمد داود خان وو ، د پولیسو په اکاډمۍ کې د دويم بریدمن په رتبه د تدریسي مدیر په توگه گماري . کله چې د هېواد په ښوونځیو، پوهنتونونو او نورو ځایونو کې د مارکسيستي انقلابي آندونو څرک ولگېد او یو شمېر زده کونکي د سردار داود خان له خوا بندي کړی شول، خیبر هم په ۱۳۴۳ لمريز کال د وخت د کورنیو چارو وزارت له خوا وغوښتل شو او ورته سرپټی مکتوب ورکړل شو. هغه ته ېې ووېل چې دا مکتوب د پکتیا والي ته یوسه! کله چې والي دا مکتوب لولي، ښاغلي خيبر ته ، کابل ته د بېرته تگ اجازه نه ورکوي ، په پولیسو کې يې د یوه چارواکي په توگه گوماري
لاندینی انځورونو کې تاسو په یو انځور کې هغه صحنه ګورۍ چې د کمونست ګوند د یو مشر میراکبر خیبر د ترور ځای پکې ښکاري؛ هغه پېښه چې د افغانستان د څلوېښت کلنې غمیزې د عطف نقطه ده
دا نو دقيق د دوهم مکرويان سيمه د دولتي مطبعې مخه ده.
مير اکبر خيبر چې ظاهراً د خلقيانو مشر بلل کيده، د نوموړى د قتل ټول پلان د روسانو لخوا د روسيې په سفارت کې نیول شوی و، خو ظالمې حلقې دا ترور په شهيد داود خان ور تاوان کړ، چې پدې لړ کې د ابلوف په نوم یو روسي سفارتکار همداسې برنامې تطبیقولي، همدغه ترور د افغانستان د سترى غميزى پيلامه شوه. د هاشم میوندوال مرموزه وژل کېدل هم ددې لړۍ يوه کړۍ وه
Copy
Meer Akbar Khyber, Afghan Communist Leader Life Profile, Works and Contributions. Meer Akbar Khyber Aw Da Suar Inqilab Pa Afghanistan Ki. Afghan Leader Mir Akbar Khyber.
Comments
Post a Comment
Thanks for visiting Pashto Times. Hope you visit us again and share our articles on social media with your friends.