Yawa Wraze Yaw Sahra Ta Pa Khkar wotay oom Rawan

 Yawa Wraze Yaw Sahra Ta Pa Khkar wotay oom Rawan.

Nazam Ghani Khan

Singer. Sardar Ali Takkar

یوه ورځي یو صحرا کي په ښکار وتی ووم روان 

یو ګلاب مي ولاړ ولید، پړقیده ښایسته خندان 

زه خفه یې خوا له لاړم، ما وې آه! زما پشان 

ته هم ګل یې بدنصیبه روک د زلفو د جانان 

نه د چا نیازبیني ګوتي، نرم مخ له به دي یوسي 

نه به ښکل دي کړې سرې شونډي د یار سره نازک لبان 

هغه غلی شان مسکی سو، وې خان مه کوه خفګان 

زه به دا صحرا ورنکړم د ایران په ګلستان 

دلته زه یو او یکتایم هلته زر زما پشان 

چارچاپېره سپېرې خاوري، زه یوازي یم روښان

دلته دې تور ریګستان کي زه د رنګ او نورلمبه یم 

د ښایست چپه نغمه یم، کرشمه د لامکان 

ستاپه باغ کي په زرګونو، دي ګلاب زما پشان 

یو بې نومه سور دریاب کي یو بې نوم څاڅکی روان 

ته دي هم په خپل صحرا کي خفه مسې زما وروره 

آخر را به سي دیدن له دي څوک سوی غني خان

 

غني خان

Pashto Times. Ghani Khan Lyrics

Yawa Wraze Yaw Sahra Ta Pa Khkar wotay oom Rawan.

Nazam Ghani Khan

Singer. Sardar Ali Takkar

Ghani Baba Pashto  Nazam Sehra Lyrics