Baran. Pashto Folk Songs Tappay And Baran. Da Baran Tappay.
باران په ستر تيراه ورېږي
د لواړګي برخه بادامۍ ده رابه شينه
باران د ځمکې آبادي ده
شيرينه ېاره ! زه پتا آباده ېمه
باران ورېږي بلې څاڅي
د مساپرو به ېادېږي خپل کورونه
باران د غم په شېبو راغې
د بېلتانه د ګلۍ ډېر فکر کؤومه
باران د اوښکو پې ورېږي
د زړه انګار مې وخت په وخت تازه کؤومه
باران د کانړو ئې په کور اوشه !
څوک چې په ېار مطلب کوي بېا ئې پرېدينه
باران دې هرکله ورېږي.
واورې دې نه وي چې لارې بندوينه
باران ورېږي خټې کېږي
قدم زما په قدم ږده راځه ! دننه
باران ورېږي غولې ډک شو
قدم زما په قدم ږده راشه ! دننه
بارانه رورو پې ورېږه !
په مسافر جانان مې نشته دالانونه
بارانه رورو پې ورېږه !
وړې وړې جينکې غره ته تلې دينه
باران وریږي غولی ډنډ شو
جینۍ پېنڅې پورته کوي جانان له ځینه
بیا د باران په شپه رانشې
د ښپو خاپونه دې بې بې لیدلي دینه
بارانه شړق وهه راښکې شه !
چې د آشنا تړلې کډې بېرته پاتي شينه
بارانه ! څه مستي دې راوړه
جینۍ په دنګو پولو ځي ما غورځوینه
باران وریږي شال په سر کړه
پیریان مې نیسي چې لمده دې وګورمه
په ما باران په ېار مې واورې
یخ اسویلي راته په باد کښې رالیږینه
بارانه رو رو پې ورېږه !
په مساپر جانان مې ډېر ژړلې دينه
باران وریږي بلۍ څا څي
په ما راڅا څي دجانان خواږه ېادونه
دزړه برجونه دې محکم کړه
زه ددېدن بلۍ ته توپې خېژومه
ستا ددېدن باران دې وشي
که غولی ډنډ شو په بلۍ به ګډه شمه
باران وریګی کوټه څاڅي
کټ په ګوټونو ګرځوم تا ېادومه.
د ژمي شپه ده نه تېریږی
باران پې ټوله شپه وریږي ماته تا رایادوينه
د محبت باران دې وشي
چې له دې تورو زړونو ېوسي نفرتونه
خداېا نري نري باران کې!
چې د لېلی کډې تړلې
پاتي شېنه!
لکه باران ېو ځلې راشه
د بېلتانه باد مې په سر خاوري بادوینه
په غرونو تورې لړې راغلې
ښکته ئې ېوړل د لونګو درمندونه
باران وریګی دلته شپه کړه !
له غرونو خړ تنګې راځي وو به دې سینه۔
بيا به نرى جامى اونه کړم
باران لمده کړمجانان ټوله اوليدمه
ستا د وصال باران چې نه وي
نور بارانونه مې زړګی نه ېخه وینه.
.
په بارانه کښې دا کمال وي
له ېاده وتي خلک بېا در ېادوينه.
باران د آشنا په کلي اوشو
ېخه سيلې ئي زمونږ کلي ته راځينه
نرۍ نرۍ باران ورېږي
په ما دې اوري په جانان نیسم لاسونه.
باران د ځمکې ابادي ده
شيرينه ېاره ! زۀ پۀ تا اباده ېمه
باران دې لس ورځې ورېږي.
نه مې جانان شته نه د ېار کوڅې ته ځمه
باران دې وي، سيلۍ دې نه وي
سيلۍ ناترسه زما زلفې ورانوينه
باران
باران پښتو شعرونه
پشتو شاعری
پشتو تپی
پشتو شاعری ۲۰۲۲
پشتو شعرونہ
پشتو ٹپے
Pashto Times. Pashto Tapay 2022. Pashto Tapay 2023. New Pashto Songs 2022. Pashto Songs Lyrics 2022. Pashto Folk Songs. Pashto Tapa, Pashto Sherona 2022, Pashto New Sherona, Pashto SMS, Pashto Sex, Pashto Best Sherona. Pukhto Ghazal 2022.
Comments
Post a Comment
Thanks for visiting Pashto Times. Hope you visit us again and share our articles on social media with your friends.