Chandar Shekar Azad. A Hero And Indian Freedom Fighter. Chander Shaikar Azad

 Chandar Shekar Azad. A Hero And Indian Freedom Fighter. Chander Shaikar Azad

چندر شیکر آزاد

چندر شیکر آزاد په ۱۹۰۶ میلادي کال کې زېږیدلې و. د هندوستان نامتو انقلابي او د هند آزادي خوځښت مجاهد و. له رام پرساد بسمل وروسته د هندوستان سوسیالست ګوند مشر و. ملګري په دې لار کې ډېر زیات انقلابیون وروزل. ملګري بګت سنګ هم د ده په امر خپله دنده پای ته رسوه. د خپل هیواد لپاره یې ‌ډېري ستونزي وګالل. په هیواد کې یې سوسیالستي افکار خپاره کړل

د ۱۹۳۰ میلادي په انقلابي غورځنګ کې چې څومره ځوانانو هم ګډون کړی و، د دوی لپاره د چندر شیکر آزاد نوم یو تاریخي اهمیت درلوده. ده به ځوانانو کې جذبه راوپاروله او انقلابي به شول. د ۱۹۲۵ میلادي د کاکوري په قضیه کې یې ګډون درلوده خو پولیسو ونشو نیولی. پولیسو هر ځای وپلټه. که یې نیولی و نو د دار پر ځای یې بل کومه سزا نه ورکوله خو پدې سربېره بیا هم چپ پاتې نه شو. د ګوند د یو ځل بیا تنظیمولو لپاره یې بګت سنګ او سکدیو سره ولیدل.

په زیاترو شیانو کې یې له بګت سنګ سره توپیر درلوده، چپ او آرام به اوسیده. په ځانګړې توګه چې کوم پلان به یې مطرح کاوه نو هیڅ ډول اندېښنه به یې نه درلوده. له مغزو ډېر جوړ و

د بګت سنګ په څېر یې پوهه او علمي وړتیا نه درلوده ځکه له لیک او لوست سره ډېر کم بلد و، د ګوند دننه چې نوي موضوعات مطرح کیدل نو په هضمولو کې یې زیات وخت نیوه. بګت سنګ چې د ګوند نوم بدل کړ او د «هندوستان سوسیالیست ګوند» یې ونوموه نو ده هم ومنل. خو زما له نظره ده دغه ډول موضوعاتو ته ځانګړې پاملرنه نه درلوده. هغه عملي کار غوښته او له نظریو عملي کار ته ډېر لیواله و. د ده په څېر میړنۍ شخص به په ټول هندوستان کې نه و. څنګه چې وسلوال پلانونه مطرح کول او پرځای یې کارول نو د ده په څېر پوهه به چا نه درلوده.

هغه ځواکمن و. مغز یې فولادي و. په ګوند کې تر ټولو ښه نښان ویشتونکې و. په پنجاب، بهار او یوپي کې چې یې کار کوه نو د هغه ځای قومندانان به یې له نومه ویرېدل. د بګت سنګ په څېر شخص څخه هم پولیس دومره نه ویرېده، لکه د ده له نومه چې ویرېدل.

خو معنی یې دا نه ده چې هغه د ویني تږې و. ده زیاتې ځانګړتیاوې درلودل تل به یې خندل، وخت نا وخت به یې ټوکي کول. خپل ملګري به یې خندول او هر ډول مرستي به یې ورسره کول. څوک چې یې له نوم سره اشنا نه و نه یې درناوې کوه بلکې مینه یې ورسره درلوده. هغه په ډیسپلین کې ډېر سخت و که کوم ملګري خپل کار سرته نه رسوه نو په سختي به ورسره مخته ته خو هیڅکله یې هم له چاسره بې عدالتي نه کوله

خلکو دومره باور درلوده که په کوم پلان کې یې کار کوه نو د آزاد په شتون کې به هغه پلان بریالی کیده.

د ملګرو له نیولو وروسته پولیسو هڅه وکړه چې دی هم ونیسي خو څنګه چې د کاکوري په قضیه کې ناکام شول، دا ځل هم خپلو موخو ته ونه رسیدل. ده ټول ملګري یو ځل بیا سره یوځای کړل او له سره یې نوې ګوند جوړ کړ او څو ورځي وروسته د وائسرای په ریل ګاډي بم وغورځول شو خو هغه وژغورل شو. پولیسو فکر کاوه ترڅو چې چندر شیکر آزاد، آزاد وي تر هغه وخته به ښه ورځ ونه ویني. د ده د نیولو لپاره یې هر ځای چاپې وهل خو د ده په څېر میړنی شخص له هر ډول سختو حالاتو هم وژغورل شو، لاهور ته ولاړ او هڅه یې کوله چې خپل ملګري له زندان وباسي. ده باور درلوده چې بریالی به شي خو بم بې وخته وچاودېده. آزاد له پولیسو ځان وژغوره او پولیسو ته خبر ورکړل شو چې هغه دهلي ته ورسیده او هلته خپلې کړنې مخته وړي.

له دې وروسته د پنجاب په ځینو ولسوالیو کې بمونه واچول شول او زیاتره پولیسان مړه شول. په پنجاب او نورو سیمو کې نیول پیل شول، بې شمیره خلک ونیول شول. همدغه وخت د لاهور د قضیې ملګري هم ونیول شول. دا ځل هم آزاد ځان وژغوره، د هندوستان ټول پوځ یې په لټه کې و. د ده نیولو لپاره یې انعامونه کېښودل خو هغه سرې سترګې ګرځېده. دا وخت حالات ډېر خراب ول، سلګونه ملګري زندانونو کې ول. پوځ له هیڅ ډول زور زیاتي څخه مخ نه اړوه، خو بیا هم د آزاد نیولو کوم څرک ونه موندل شو او د ګوند په چارو بوخت شو.

آزاد فکر درلوده چې په هر ډول کیږي، ځوانان دې ولسي خوځښت کې ګډون وکړي. د برګزو او کارګرو له یوځای کولو وروسته دې یو ستر خوځښت پیل کړي، دی او ځیني ملګري دې له دوی سره وي که اړتیا وه وسلوالې کړنې دې پیل کړي او د انقلاب لپاره دې ځوانان چمتو کړي ترڅو په پراخه کچه وسلوال پوځ ولري.

آزاد غوښتل پدې بنسټ یو نوې ګوند ورغوي خو وخت یې ترلاسه نه کړ. په ګوند کې یو خاین ملګري پولیسو ته خبر ورکړی و چې آزاد په اله آباد کې دی او پولیسو یوناڅاپه په الفرد پارک کې محاصره کړ. ده له پولیسو سره ډېره جګړه وکړه. دوه عسکر یې ووژل خو یوناڅاپه یوه مرمۍ راغله او دی چپه شو، خو بیا یې هم د دښمن په مرمۍ مرګ قبول نه کړ، خپله یې ځان وژنه وکړه. دا ډول ملګري آزاد په ۱۹۳۱ میلادي کال کې سترګي پټي کړل. د شمالي هندوستان خلک به هیڅکله هم د ده د میړانې او سرښندنې داستانونه هیر نه کړي

By Haqiqat FB Page.

Pashto Times Tags.

Chandar Shekar Azad. A Hero And Indian Freedom Fighter. Chander Shaikar Azad. Who Was Chandar Shankar Azad? Life And Struggle Of Chander Shankar Azad.