James Web Telescope Updates. James Web To Reach Next Level Today

 James Web Telescope Updates. James Web To Reach Next Level Today

اب سے چند گھنٹے بعد جیمز ویب دوربین اپنے حتمی مدار میں پہنچ جائے گی

امریکہ کے وقت کے مطابق سوموار جنوری 24 کی صبح ناسا کے انجینیئرز جیمز ویب دور بین کے راکٹس کو فائر کر کے اس کا راستہ تبدیل کریں گے تاکہ دوربین اپنے حتمی مدار میں لیگرانج پوائنٹ کے گرد عمودی چکر کاٹنے لگے- دوربین کی لانچ سے اب تک کا سفر اس دوربین کی زندگی کا کٹھن ترین مرحلہ تھا جس میں دوربین کے کئی حصوں کو 

unfold 

ہو کر اپنی فائنل کنفیگریشن میں آنا تھا- اس پراسیس کے سینکڑوں سٹیپس تھے اور ہر سٹیپ میں کسی مکینیکل پرزے کے فیل ہو جانے کا امکان موجود تھا- اس وجہ سے ماہرین کو یہ خدشہ تھا کہ ان میں سے کم سے کم کوئی ایک سسٹم فیل ہو جائے گا جس سے یا تو یہ دوربین ناکارہ ہو جائے گی یا اگر ناکارہ نہ ہوئی تو بھی اپنے فل پوٹینشل پر کام نہیں کر پائے گی

لیکن داد دینی چاہیے ناسا کے انجینیئرز کی مہارت کو کہ یہ سینکڑوں سٹیپس خوش اسلوبی سے طے پائے اور نہ صرف دوربین ماہرین کی توقع سے بھی زیادہ بہتر طور پر کام کر رہی ہے بلکہ ناسا کے حکام نے ایک اور خوشخبری بھی دی ہے- لانچ سے پہلے دوربین کے اپنے راکٹس میں جب ایندھن بھرا گیا تھا تو ماہرین کا اندازہ تھا کہ اس ایندھن کا کچھ حصہ دوربین کو اپنے حتمی مدار تک پہنچانے میں صرف ہو جائے گا اور باقی ماندہ ایندھن دوربین کو پانچ سال تک فعال رکھ پائے گا- لیکن لانچ کے دوران یورپی یونین کے ڈیزائن کردہ راکٹ نے اس قدر پریسیژن سے دوربین کو لانچ کیا کہ دوربین کو اپنے راکٹس فائر کر کے کورس کوریکشن کی ضرورت نہیں پڑی- چنانچہ لانچ کے بعد ماہرین نے اعلان کیا کہ دوربین میں اس قدر ایندھن موجود ہے جو دوربین کو دس سال تک فعال رکھ سکتا ہے- 

اب جبکہ دوربین اپنے حتمی مدار میں پہنچنے کے نزدیک ہے، ماہرین نے دوربین کے راکٹس میں ایندھن کی مقدار کی ریڈنگ دیکھ کر یہ اعلان کیا ہے کہ جیمز ویب کو حتمی مدار میں پہنچانے کے لیے اس قدر کم ایندھن استعمال ہوا کہ اب باقی ماندہ ایندھن اس دوربین کو بیس سال تک فعال رکھ پائے گا

اگلے چند گھنٹوں میں ناسا کی طرف سے یہ اعلان متوقع ہے کہ جیمز ویب دوربین اپنے حتمی مدار میں پہنچ چکی ہے- اب جیمز ویب کے سینسرز کو ٹھنڈا کرنے کے لیے کرییوجینک سسٹم کو آن کر دیا جائے گا تاکہ دوربین کے سینسرز کا درجہ حرارت مزید کم کیا جائے- اس وقت ان سینسرز کا درجہ حرارت منفی 210 ڈگری سینٹی گریڈ ہے- سینسرز کو درست طور پر کام کرنے کے لیے انہیں منفی 233 ڈگری سینٹی گریڈ تک ٹھنڈا ہونا ہے- اس کے علاوہ اب ایک ایک کر کے جیمز ویب کے تمام سسٹمز کو کیلیبریٹ کیا جائے گا جس میں چند ماہ درکار ہوں گے- جیمز ویب کے مشاہدات کا آغاز جون 2022 سے ہو گا

https://www.jwst.nasa.gov/content/webbLaunch/whereIsWebb.html?units=metric

James Web Telescope Updates. James Web To Reach Next Level Today. Where Is James Web Telescope Today.

Where Is James Web Telescope Today? In Urdu. Urdu Blog About NASA James Web Telescope.