Saadat Hassan Manto Anniversary Today. Pashto Translation Of Manto
By Tariq Tassal
نن د سعادت حسن منټو د مړینې۶۷ تلین دی. د منټو د لیکوالۍ سټایل داسې و، چې په بربنډه ژبه به یې له قلمه توري تویول، خپل لیکل یې نه سانسورول؛ بس چې څه یې په کومه بڼه مشاهده کول، کټ مټ یې هماغسې لیکل. د "یخه غوښه" افسانې په لیکلو بندي شوی هم و؛ خو په محکمې کې یې دا خبره ډېره اثر غوروځونکې وه چې: ((زه هغه څه لیکم، څه چې په ټولنه کې یې ګورم. که تاسې زما ځینې افسانې فحشاء بولئ، نو بیا خو زموږ او ستاسې ټولنه هم فاحشه ده.))
په ټوله کې، منټو یو هیومنېسټ، ریالېسټ او فېمنېسټ لیکوال و، چې ۶۷ کاله وړاندې په همدې ورځ، د ۴۲ کالو په عمر وفات شو. روح یې ښاد
ما د منټو افسانې د (#معتاده_ښځه) په نامه ژباړلي دي، مینوال یې کولی شي، په دې کتاب کې یې ۱۵ مشهورې افسانې ولولي
دلته یې یوه لنډه لیکنه ولولئ!
وایي؛
یوه ورځ د ګرمۍ په موسم کې یوې فاحشه خانې ته لاړم، ګورم چې هلته دوو موجودو ښځو په یوه خونه کې دوه ایرکنډیشنونه لګولي دي، کمپلو کې یې ځانونه نغاړلي او زنې یې لړزیږي. ما ورته وویل: دومره ساړه مو کېږي، خو یو ایرکنډیشن ولګوئ، هم به مو ډېر ساړه و نه شي او هم به درباندې د برېښنا بیل کم راشي. په خندانه انداز یې وویل: موږ یې هسې هم بیل نه پرې کوو، ډېر ځوانان شته، هغوې یې پرې کوي
ډېره موده پس د پولیسو د یوه کمیشنر دفتر ته لاړم، هلته مې هم ورته وضعیت ولیدلو او هماغه خبره مې ورته وکړله. ځواب یې راکړ: پرېږده چې روښانه وي، موږ یې هسې هم بیل له خپله جېبه نه ورکوو
زما ذهن ته سمدستي د هماغې فاحشې خبرې راغللې، ځان سره مې وویل: د هغې فاحشې او دې کمیشنر په سوچ کې هیڅ توپیر نشته؛ فقط نومونه او مقامونه یې بدل دي.
#ژباړه
Pashto Times Tags For Blog.
Pashto Translation Of Saadat Hassan Manto Afsany by Tariq Tasal Kabul Afghanistan.
Saadat Hassan Manto Anniversary Today. Pashto Translation Of Manto. Pashto Translation Of Manto Urdu Afsana. Manto Works In Pashto.
Comments
Post a Comment
Thanks for visiting Pashto Times. Hope you visit us again and share our articles on social media with your friends.