Sahib Shah Sabir Pukhto Ghazal. Qamatona Qiamatona Book.

 Sahib Shah Sabir Pukhto Ghazal. Qamatona Qiamatona Book.

راځي د ځان سره رڼا راولي

سپرلی‌ قسم کړی چې تا راولي

دا چې په کلي نفرت خوروي

دا خلق کلي ته بلا راولي

ما د ارمان په خوله باور کړی و

ما وی چې تا به رښتيا راولي

زما نه غم د محبت هېروي

زما خوږمن ما له خندا راولي

زما د زړۀ د پرهر څړيکه، څړیکه

تا يادوي ما له ژړا راولي

مونږ چې ډېوه د محبت بلوو

وخت مهربانه شي هوا راولي

څوک به ستا نوم د چا څنګ پټوي؟

څوک به سپوږمۍ کور ته په غلا راولي

سپرلی، ځواني او لېوني خيالونه 

ياد يې د ځان سره دنيا راولي

دا د شعور په شرعه مخکښې تلي

دا قافلې به څوک په شا راولي

ستا د بڼو د بڼ الوتې مرغۍ 

ما د بڼو سيوري له بيا راولي

دومره څۀ يو بل خو به وپېژنو

سپرلی به دومره څه رڼا راولي

څنګ د واعظ خبره ومنه 

دنيا به څنګه څوک په شا راولي

نور دې څوک نۀ ژاړې چې نه ژاړمه

دلته چې څوک ژاړي، ژړا راولي

د چا خاطر وي د چا غم صابره

تا مېکدې ته خامخا راولي

____

صاحب شاه صّابر

قامتونه قيامتونه

 ۳۱۳،۳۱۴/313,314

Sahib Shah Sabir Pukhto Ghazal. Qamatona Qiamatona Book.

Poet. Sahib Shah Sabir Saib

Genre. Pashto Ghazal. Pukhto Ghazal

Book. Pashto Poetry Book Qamatona Qiyamatona.

Pukhto Shayeri By Pashto Times Pashto Blogs.

Pashto Sherona 2022. New Pashto Sherona, Pukhto Sherona. New 2022 Pashto Sherona. Sherona Aw Ghazalay. 

Pashto Sherona Aw Ghazals New 2022.