Suqrat Aw Da Zahro Peyala Skal. Pashto Blog about Soqrat.
سقراط، د زهرو پیاله او زرتشت
زهٔ: بابا سقراط کولې شو چې لهٔ خپلو خبرو یې شا تګ کړی وی او ځان یې لهٔ مرګه ژغورلی وی. هغۀ بیا ولې د زهرو پیاله ځان ته خوښه کړه؟
زرتشت: ځویه ځان ته مرګ خوښول یو ځانګړی یو عمل دی چې ځېنې خلک یې کوي. سقراط پهٔ یو دریز کلک ولاړ وو او خلکو ورسره اختلاف لرو نو ځکه ورته خلکو خوښ کړو. پهٔ ایتهنز کښې ډیرې افسانې وې او ډیر خدایان ول چې خلکو به یې عبادت کوو خو سقراط د پوهې هغۀ ځای ته رسیدلې وو چې دغه افسانې چې خلکو عقیدت ورته درلود او د رښتیا درجه یې ورکړې وه سقراط پهٔ عقل او منطق دا ثابتوله چې دغه دروغ دي او عقلي ژوند ته یې ده ایتهنز ځوانان رابلل. خو د ایتهنز د افسانوي خدایانو سرا د هغۀ وخت د ملایانو چې پروهتن به ورته وئېل کیدل, معاشی ګټي تړلې وې. دوي اجتماعي پریکړه وکړه چې سقراط د موژ د خدایانو منکر دی او د ایتهنز ځوانان بې لاري کوي. د سقراط سرا درې لارې وې، اول دا چې هغۀ لۀ خپلو تبلیغاتو لاس اخیستې وی، دویم دا چې هغۀ ایتهنز پرېښي وی او درېم دا چې هغۀ د زهرو پیالۀ په غاړه اړولې وی او سقراط پهٔ دغه دریو کښې ځان ته ده زهرو پیاله غوره کړه. د زهرو ب پیالې بنیادی لامل دا وو چې سقراط ته د ژوند ارزښت رښتیا, عقل, منطق, او پوهه وه خو ده هغه وخت ملایانو ته زاتي ګټې، جهالتې او ناپوهي د ارزښت وړ وو. سقراط لپاره ګران وو چې لهٔ دروغو او جهالت سرا یې ژوند کړي وی نو ځکۀ یې د زهرو پیاله پهٔ خلهٔ واړوله ولې چې د سقراط پهٔ اند بې ارزښته ژوند هیڅ شتمن ژوند نهٔ وو.
زهٔ: بابا نو داسې خلک ځان وژنه ولي وکړي؟
زرتشت: ځويه ژوند د بشريت تر ټولو ستره تحفه ده. دوه ځان وژنې دي، یو د مقدس جهاد پهٔ نوم او یو د یو وګړي بلا وجه ځان وژل دي. یو مذهبي سړی هغۀ وخت د جهاد پهٔ نوم ځان وژنه کوي کله چې دغه نړۍ د هغه لهٔ پاره بې ارزښته شي او یوه بلا دنیا د هغۀ پۀ انتظار وي چې لهٔ ارزښتو ډکه او ده هغه لهٔ عقل او منطقي پوهې سره سمه وي. بیا هغه ته ژوند ګران شي او لکۀ سقراط د دغې دروغې نړۍ پهٔ ځای ځان ته خپله خیالي نړي غوره کړي. دغه دویم سړی ځان وژنه پهٔ دې کوي چې هغه د دنیا د کړاونو او د خپل ټولنیز ژوند نه دومره تنګ وي او ژوند ورته دومره سخت وې هغه سختې نه خلاصون ورته صرف د ژوند پهٔ ختمولو کښې ښکاره شي او اخر ځان وژنه وکړي.
ځویه دا خبره یاده ساته چې سقراط لهٔ ځان څخه نۀ وو تنګ بلکې هغه د دروغو څخه بغاوت کړی وو خو خلکو ورته وئېل چې تۀ د دروغو تر څنګ ژوند وکړه. سقراط ته خپل رښتیا د ارزښت وړ وو او ځکه یې د دروغو سره د ژوند پهٔ ځای مرګ خوښ کړو.
Comments
Post a Comment
Thanks for visiting Pashto Times. Hope you visit us again and share our articles on social media with your friends.