Talib Jan. Pashto Novel Talib Jaan By Wagma Saba Aamir

 Talib Jan. Pashto Novel Talib Jaan By Wagma Saba Aamir

ډېر ملګري د (طالب جان) د ناول پوښتنه کوي، د ملګرو غوښتنو ته د احترام په خاطر د دې ناول يوه وړه برخه يې تاسو سره شريکه وم. په هيواد ملګري د انټرنيټ او د برېښنا له ستونزو سره مخ دي له دې وروسته به کيسې او نورې ليکنې ټولو ته ښکاريږي

طالب جان

ناول

طالب جان د وښو پنډ له شا راکوزکړ، غوا یې دکور په

اخور پورېوتړله او بیا یې په نعرو پیل وکړ:

_ادې !وه ادې

څونعرې یې وکړې،د ادې ځواب یې تر غوږ نشو، بره بالا خانې تهوخوت چې ګوندې ادې او ورېښمینه به هلته وي، خو هلته نه ادېوه او نه ورېښمینه، له ځان سره وغورېده:

_هره ورځ مور او لورکورکې نه وي.

له بالاخانې څخه لاندې تندورخانې ته کوز شو، ټوکرۍ ته یې پام شو،

هغه يې پورته کړه،دمستوپه کټوې یې سترګې ولګېدې،دکټوې سریې لوڅکړ،دټینګو او خوندورو مستو په لیدو یې په خوله کې اوبهراغلې .

دکندو له سره یې دسترخوان را واخیست، یودانه پاستی یېدکټوې په سر کېښود اودسترخوان یې بېرته په خپل ځای باندې کېښود.

نیمه کټومستې یې له یوه پاستې سره وخوړې .همداسې ولاړ شي

ورنه هېر شول چې دمستو سربېرته پټ کړي .په چوتره باندې دنغریوخواته ورغی، په نغري باندې توردېګي ته یې پام شو،د هغه سریېلوڅ کړ،د هګیود شکنې وږمه پرې ښه ولګېده، خو اشتها یې ورته رانغله .دنغري خواته دتناره په چوترې ور وخوت،دلته به تل

ورېښمینه درېده اودګاونډی د ښځو سره به یې خبرې کولې، پستو د هغې خور لڼه وه او هغه به ټوله ورځ ورسره لګیا وه خبرې به یېکولې .اوس د ورېښمینې په ځای طالب جان دبلۍ سرته پورته شو

ویې لیدل چې پستو د مور، ورېندارې او خور سره په کاله کې دکوټومخې ته دمني پیتاوي ته ناسته ده اود ماسپښین چای څکي .دپستو شا وه، طالب جان ورته نه ښکارېده

طالب جان یوه لوټه را واخیستله،د هغې خواته یې ور وشړله، لوټهبرابره دپستودمور په پیاله کې ولوېده،دټک سره پیاله ماته شوه .دپستومور نعرې کړې

_الله !دا چا؟ ځوانیمرګ یې کې،دا لوټه چا را ووېشته؟

پستوپوه شوه چې داکار چاکړی؟دا د هغې اود طالب جان ترمنځیو شفرو، زر یې وویل:

_وۍ ادې، پاس په دېواله به پشۍ تېره سوې وي، بس خوله دې ښېراوته جوړه ده.

_نو خدای دې ووهه، خپله پیاله به دې راته اخیستې وه،دابا پیالهدې ولې راته راوړه؟په نوروز دا پیاله ډېره ګرانه وه،دالکوزي د چایو پهډبي کې ورته راوتلې وه.

دپستواو ادې یې دپیالې په سر جنګ شو،دمور او لور په شراو شورباندې د طالب جان زړه بیا وتخنېده،دویم ځل لپاره بلۍ ته پورته شو

Talib Jan. Pashto Novel Talib Jaan By Wagma Saba Aamir. 

Talib Jan Pashto Novel Written By Afghan Pashto Poetess, Writer And Radio Journalist Wagma Saba Amir. Wagma Saba Amir Working With Mashaal Radio RFE Pashto Services.

Talib Jan. Pashto Novel Talib Jaan By Wagma Saba Aamir. 

Talib Jan Pashto Novel Written By Afghan Pashto Poetess, Writer And Radio Journalist Wagma Saba Amir. Wagma Saba Amir Working With Mashaal Radio RFE Pashto Services.