Who Was Dr. Najibullah Shaheed? Life and Career Of President Najib

 Who Was Dr. Najibullah Shaheed? Life and Career Of President Najib. Pashto Info Blog

ډاکټر نجیب الله

محمد نجيب الله د ۱۳۲۵ ه.ل کال د زمري میاشتې په ۱۵ نېټه کابل کې زیږېدلی و. پلار یې اختر محمد نومیده. د کابل په حبیبیه لېسه کې یې زده کړي پای ته ورسول. په خټه احمدزی و.  نجیب د کابل له طبي پوهنتون فارغ شو. ښه پوخ پرچمي و او د چپي ايډيالوژۍ او سیاسي فعالیتونو لرلو له امله څو ځلي بندي شوی. بیا چې د خلقي امین په مشرۍ پوځ راپاڅېده؛ نو دی  تهران ته د سفیر په توګه واستول شو  او امین د پرچميانو په شړلو پېل وکړ. نجیب له تهرانه یوګوسلاویا ته وتښتېده او د سفارت له خزانې يې سل زره ډالر هم له ځان سره یوړ. له کارمل او نورو پرچمیانو سره یو ځای د سره پوځ پر ټانګونو سپور کابل ته راننوت.  د خاد استخباراتي ادارې مشر شو، دا چې څوک، څنګه او څومره يې وژلي، تاریخ خوندي کړي.

دا چې دی ولې شورویانو د حکومت مشر وټاکه لامل يې د ګورباچوف  پلان و، هغه غوښتل پوځ له افغانستانه وباسي ځکه (انقلاب ضد او امپریالېزم، افغانستان د ناسور په زخم بدل کړی و). د پوهاند کاکړ له قوله شورویانو کارمل ته ویلي و افغانستان کې انقلابي بنسټ نه شته، د افغانانو د اسلامي ارزښت درناوی وکړه، مخالفانو سره واک ووېشه او یاغیانو سره جوړه وکړه. خو کارمل نه منله او د شوروي پوځ پاتې کېدل يې غوښتنه وه. کې،جي، بي ځکه نجیب د کارمل پر ځای غوره کړ چې د شورویانو نوی پروګرام يې منلی و او اړینه داچې د شورویانو د اعتبار وړ ګرځېدلی و. خاد د نجیب په وخت کې داسې و لکه د کې، جي، بي کومه څانګه چې وي (بندي کول، ترور، وژل، کړول)

پوهاند کاکړ زیاتوي، نجیب د رژیم  په سروال کېدلو سره د ګورباچوف او شیواردنازي په سپارښتنه یو لړ سمونونه پېل کړل. د بېلګې په توګه هغه کمونستي تمرینونه يې چې د خلقي رژیم او کارمل په وخت کې کول، پرې يې ښودل. ځان يې مسلمان وښود او د جومې لمونځونه يې په پل خیشتي کې جمات کې کول. شورویانو د ده له راتګ وړاندې د پوځ په ایستلو فکر پېل کړی و. د ژینو خبرې هم روانې وې. کله چې يې ولیدل، نور به یې شورویان ملا و نه تړي؛ نو د ملي روغې جوړې کړنلاره يې د ۱۹۸۷ په جنورۍ کې اعلان کړه. جنرال لیاخوفسکي وايي، خلکو يې په خبره ځکه شک کاوه چې له دې وړاندې دوی یوزاې د زور نارې وهلې

بیا چې کابل ته ملېشې ننوتې او کابل د سقوط په درشل کې و؛ نو له وطنه د تېښتې له پاره يې له اسلام اباده بینین سېوان راوغوښت. ډېر ګومان دادی چې نجیب به هند د تلو اراده درلوده، څو له خپلې کورنۍ سره یو ځای شي

دا چې داکتر نحيب چا وواژه، په دې اړه ډېرې خبرې شته او ډېر لیکل پرې شوي. خو دا خبره چې ډېره مشهوره ده او ځینې يې د واقعیت په توګه مني، بلکل ناسمه ده چې نجیب جي ایج کيو (پنډۍ) ته وړل شوی او هلته د ډیورنډ د نه لاسلیکولو له امله ووژل شو او بیا اریانا څلور لاره کې را وځړول شو.

نجیب د افغانستان خلق دموکراتیک ګوند پنځم مشر او ولسمشر و

Who Was Dr. Najibullah Shaheed? Life and Career Of President Najib. Dr. Najib Shaheed. Afghan President Najib was Killed by Taliban. Najib As President. Dr. Najib As Head Of Khad, Afghanistan. Life And Pashto Biography Of Dr. Najibullah Shaheed.

Who Was Dr. Najibullah Shaheed? Life and Career Of President Najib. Dr. Najib Shaheed. Afghan President Najib was Killed by Taliban. Najib As President. Dr. Najib As Head Of Khad, Afghanistan. Life And Pashto Biography Of Dr. Najibullah Shaheed.