Ikramullah Gran, Ashraf Ghamgin, Aw Pashto Shayeri.
By Mustafa Kamal
اشرف غمګين دې خداے ؤبخښي، يوه ورځ ېئ راته وئيل چې،
"زۀ زلموټے ؤم اؤ زمونږ په کلي پړانګو کښې به والي بال کېدو. زۀ به ېئ هم تماشې ته ناست ؤم. يوه ورځ مې يو ښکلے هلک تر نظره شو ... سورسپين مخ، شنې سترګے، غلے غلےاؤ ښکلے ښکلے. زما زړۀ ته ډېر پرېوتو نو ورته مې اٰواز ؤکړو چې يا هلکه! دې خوا راشه. چې خوا له راغے، ورته می وئيل چې تۀ خو ډېر ښکلے ئې، د چا څۀ ئې؟
هلک راته وئيل چې د فضل رحيم باچا صېب زوے يم. ما ورته وئيل چې بيا خو کليوال ئې ... اؤ چې پته راته ؤلګېده چې شاعري ېئ خوښه ده، نو بس دغه مې بهانه کړه اؤ دغه ښکلي هلک سره مې دوستي جوړه کړه.بيا هلک خپله هم شعرونه جوړؤل شروع کړل. يو ځاے به ناست پاست وو، مشاعرو له به يو ځاے تلو راتلو ... خو چې زۀ خبرېدم خبرېدم نو هلک تر رېډيو اؤ ټي وي ته رسېدلے ؤ. بيا داسې وخت هم راغے چې د دغې هلک چې بيا پوخ زلمے ؤ، د شاعرۍ لوے درز خور شو اؤ زمونږ ټولو نه زيات مشهور شو.
دغه هلک زمونږ د کلي اکرام ؤ، چې وروستو په اکرام اللّٰه ګران مشهور شو.
د ښۀ شعر اؤ ښۀ خوي له برکته
ګران يوازې په ما نه، په هر چا ګران دے "
د اکرام اللّٰه ګران د ځوانۍ د ورځو د يو عکس سره: د غمګين او ګران په ګورونو نُور اؤ ارواګانې ېئ ښادې.
/ډاکټر مصطفیٰ کمال/
Ikramullah Gran, Ashraf Ghamgin, Aw Pashto Shayeri. Gran Baba Pukhto Shayeri. Pashto Poet Imramullah Gran Baba. Pashto Times. Pashto Who Is Who.
Comments
Post a Comment
Thanks for visiting Pashto Times. Hope you visit us again and share our articles on social media with your friends.