Rokhanyan Aw Rabab. Rabab Music And Roshnai Tehrik Of Peer Rokhan.
د حالنامې نه اقتباس
د روښانیانو عقیده "بې د ربابه هر څۀ ګناه ده"
روښانیانو د موسیقۍ، ګډا، رقص او رباب سره څومره لېونۍ مینه لرله؟ هغه تاسې د "سبزو" نومي یوۀ رباب ځن روښاني حال کتلے شئ. پۀ حالنامه کښې یې پۀ دا اړه راوړي دي چې
" "سبزو" نومي یو یار وۀ، د اورکزے قبیلې غړے وۀ، د "حال" خاوند وو، یارانو به ورته لېونے وئیل،
د هغه سره به یو رباب وۀ، یو یو تار به یې پرې اړولے وۀ، ټول عمر به پۀ لاس کښې ورسره وۀ، پۀ شهباز به یې غږولو، لږ ساعت پس به یې غوږ ته ونیوو، چې د رباب اواز به ډېر کم شو، نو د دۀ سر خوځېدل به سېوا شو، او بې اختیاره به شو.
یوه شپه پس به یې پۀ زوره کړنک ورکړو، دغه د هغه مشغولا هم وه، او عبادت هم وۀ.
ښځې ورته ووې، "ورږې ډېرې شوې دي، څوک خوب ته نۀ پرېږدي، ټول خلق لرګو راپرې کولو له تلي دي، چې ځان له د خوب ځایونه جوړ کړي، تۀ هم لاړ شه، چې د خوب د پاره تختونه جوړ کړو" هغه ورله پۀ پښتو کښې ځواب ورکړو، "دا به څوک غږوي؟" یعني زما دا رباب به څوک غږوي؟ ښځې ورته اووې، چې "واپس راشې بیا یې غږوه کنه" هغه ورله ځواب ورکړو
"بې د ربابه هر څۀ ګناه ده، ما خپل کار ته پرېږده، دا وخت بیا نۀ راځي"
حواله:
مخلص، علي محمد، حالنامه د بایزید روښان، پښتوکوونکے، ډاکټر عبدالقدوس عاصم، پښتو اکېډمي پښور یونیورسټي، ۲۰۱۹ء، مخ: ۵۲۱
یادونه: د سبزو چې کله د مرګ وخت را روان شي له ټولو یارانو نه رخصت واخلي چې زۀ مرم، یاران وایي "سبزو هسې هم لېونے دے، ګډې وډې وایي" خپله ښځه ته هم و وایي چې "زۀ مرم" او چې کوم وخت دۀ ښوولے وي پۀ هماغه وخت مړ شي
Rokhanyaan Aw Rabab. Rabab Music And Roshnai Tehrik Of Peer Rokhan.
Rabab As Music Instrument In Pashto and Pashtun Society. Pashtuns and Rabab. Peer Rokhan Aw Rabab. Rabab Saaz. Pashto Times.
Comments
Post a Comment
Thanks for visiting Pashto Times. Hope you visit us again and share our articles on social media with your friends.