Why I Love Bacha Khan Baba?
By Didar Yousafzai.
#_حېراني
اکثر خلک تپوس کوي چې ستا باچاخان بابا ولې خوښ دے - زما له پاره د هغه د خوښۍ ډېرې وجې دي - خو پۀ څو غټو وجو کښې يوه دا ده - چې هغه د پښتنو د تاريخ اولنے ليډر وۀ - چې هغه وخت د تعليم پۀ اهميت پوهه وۀ - کله چې پۀ دې خطې کښې ډېرو کمو خلکو ته دغه ادراک وۀ - د پښتنو له پاره سکولونه کولاو کړۀ ځکه چې تعليم د نړۍ سره د همسرۍ واحده لار وه او ده - دويمه هغه د تشدد پۀ ماحول کښې د عدم تشدد لار خپله کړه - چې پښتانۀ د ټوپک پۀ ځائے د مبارزې پۀ لوري روان کړي - برداشت او مکالمه ئې مخ پۀ وړاندې يوړه - ګنې اوس به د ټولو پښتنو لاره پرتشدده وه - او مستقبل به ئې څۀ وۀ د دې تاسو ښۀ اندازه کولے شئ -
دريمه خبره چې هغه يو عالم سړے او پوخ مسلمان وۀ - د مذهب د اهميت سره د پښتنو پۀ نفسياتو هم پوهه وۀ - د خپلو شهيدانو جنازې به ئې پۀ خپله کولې - پۀ شعوري توګه ئې د حجرې او جمات فاصلې ختمې کړې - د قبيلو پۀ ځائے ئې د قامي تصور شعور عام کړۀ او د کسبونو تفريق ئې هم ختم کړۀ - خو له بده مرغه بيا د وخت سره سره ځينې قام پرستو قصداً دغه فاصلې سېوا کړې - جمات ملا ته پاتې شۀ - او ممبر د قام پرستو خلاف استعمال شۀ - اوس زياتره جمات واله حجره نۀ مني او حجرې واله د جمات نه تېښته کوي - بائيلات دواړو وکړۀ ګټه صرف هغو وکړه څوک چې د دغه تقسيم پۀ شا ولاړ دي - او ځينې زما غوندې د باچاخان فکر واله پۀ يو دوه کښې حېران دي -
ډاکټر ديدار يوسفزے
Why I Love Bacha Khan Baba?
By Didar Yousafzai. The Great Character Of Bacha Khan Baba. Pashto Times Pashto Blog about Khan Abdul Ghaffar Khan Baba.
Comments
Post a Comment
Thanks for visiting Pashto Times. Hope you visit us again and share our articles on social media with your friends.