Adolf Hitler Letter To Ghazi Amanullah And Amanullah Letter To Hitler.
Adolf Hitler Letter To Ghazi Amanullah Khan Of Afghanistan. Pashto Translation
د افغانستان د خپلواکۍ د سلمې کليزي په وياړ!
شاه امان الله خان ته د جرمني مشر #آډولف_هيټلر ليک:
"د القابو او ډيپلوماتيكو احتراماتو وروسته آډولف هيټلر و اعليحضرت #غازي_امان_الله خان ته داسي نوشته کړي وه:
" موږ دواړه پوهيږو چي د آلمان ملت او افغان ولس دواړه آريايي نژاده دي، ددغه نژادي بنسټ پر اساس آلمانيان او افغانان سره يو نژاد او ورونه دي. د آلمان دولت تصميم نيولى دى چي تاسي خپل ښاغلى ورور اعليحضرت په ۴۸ ساعتو کي دننه بيرته د افغانستان د سلطنت امير قايم مقام کړي. د آلمان دولت ستاسي څخه دوستانه تقاضىٰ کوي چي ستاسي د واک ته د رسېدلو سره سمدستي ده افغانستان دشمالي سرحداتو پر خوا نظامي حمل او نقل او د تعرض له پاره بشپړي تيارياني ونيول سي. د المان دولت به ستاسي سره د هر نوعه مالي او لوجيستيکي مرستو څخه درېغ و نه کړي؛ چي په دغه تدبير به په سيمه کي زه او تاسي دواړه خپلو ګټو او سياسي اهدافو ته يو د بل په مرسته او همکاري ورسېږو. زه د خپل ښاغلي ورور څخه هيله کوم چي زما پيشنهاد قبول کړي."
په درناوي
آډولف هيټلر ( امضأ)
Adolf Hitler Letter To Ghazi Amanullah And Amanullah Letter To Hitler.
Ghazi Amanullah Khan Letter To Adolf Hitler Of Afghanistan. Pashto Translation
اعليحضرت امان الله خان ددغه ليک په جواب کي آډولف هيټلر ته يو په قلم ليکل سوى خط ليکي او د القابو او ډيپلوماتيکو احتراماتو وروسته داسي نوشته کوي:
" زما عزيز ورور آډولف هيټلر!
ستاسي پيشنهاد مي په غور ولوست، بايد زه خپل ښاغلي ورور ته دا څرګنده کړم چي زه د هيڅ نوم او نښان او د قدرت د لاسته راوړلو له پاره په افغانستان کي د تخت او تاج غوښتونکى نه يم. په خاصه بيا هغه مهال چي دغه تاج او تخت د يو بل هيواد په مرسته را کول کيږي، که څه هغه هيواد او ولس يې زما همنژاده هم وي او که څه هم زموږ سياسي ګټي مشروع او مشترکي هم وي. زه هيڅکله و دې ته نه يم حاضر چي په افغانستان کي د سلطنت د تاج او تخت د لاسته راوړلو له پاره خپل حيثيت او د افغان ولس حيثيت پايمال کړم. زه د خپل ورور څخه هيله کوم چي زما معذرت قبول کړي. "
په درناوي
امان الله خان ( امضأ)
هارولډ وايلډ چي يو انګرېز ژباړونکى او څيړونکى دى په خپلو څيړنو کي ددغه ليک په اړه داسي يادونه کوي چي کله چي په کال ۱۹۴۵ کي د برلين ښار امريکايانو اشغال کړى؛ نو دوي ته د بهرنيو چارو په وزارت کي د ډېر هيوادنو محرمانه اسناد په لاس ورغلل، چي بيا يې د جنګ د ختمېدو وروسته د راډيو له طريقه پيغام خپور کړ او د هغه هيوادو نومان يې واخيستل چي دوي ته يې اسناد په لاس ورغلي وه چي ددغه هيوادو په ليست کي د افغانستان نوم هم شامل وو. ددغه خبري پيغام په اورېدلو سره سم، په ايټاليا کي د افغانستان سفارت د بهرنيو چارو وزارت ته خبر ورکړ، او د بهرنيو چارو وزارت د امريکايانو سره اړيکه و نيول او هغه اسناد يې ټول په ايټاليا کي د افغانستان سفارت ته و سپارل.
ښاغلى #خير_محمد_صالح ( بايګان) په خپل کتاب (#تاريخ_سياسي_افغانستان) کي يادونه کوي چي دغه ليک او د غازي امان الله خان جواب ليک دواړه په هغه اسنادوکي وه؛ او بيا وروسته د بهرنيو چارو د وزارت په آرشيف کي خوندي کړل سول او شايد اوس هم هلته موجود وي".
سرچينه: From constitutional movement to constitutional government
ژباړه: قدرت الله نيازی
Adolf Hitler Letter To Ghazi Amanullah And Amanullah Letter To Hitler.
Comments
Post a Comment
Thanks for visiting Pashto Times. Hope you visit us again and share our articles on social media with your friends.