Ghulam Mustafa Durrani Aka GM Durrani, Broadcaster And Singer From Peshawar.

Ghulam Mustafa Durrani Aka GM Durrani, Broadcaster,Indian Film  Actor and Singer From Peshawar. 

Who Was GM Durrani? Biography Of Ghulam Mustafa Durrani. 

غلام مصطفی درانی G M Durrani

درانی صېب  1919 پېښور کې زېږدلی وو، په خټه محمد زی وو، پلار یې عبدالکریم درانی یو تعلیم یافته هنرمند خو ډېر سخت ګیر پښتون وو، زوی غلام مصطفی یې ډېر ښه سندریز غږ خاوند وو، کله کله به یې پېښور کوڅو،  کار ځای یا ملګرو سره د رفیق غزنوي کمپوزونه زمزمه کول نو ملګرو او چم ګاونډ به ورته ویل بمبي ښار ته لاړ شه ستا غږ د فلمونو دی، ال انډیا رېډیو اکاش واني سره یوه زړه اڼټرویو کې ویلي چې فلمونو نه خو بمبي ښار نوم سره به مې زړه ټوپونه وهل، پلار یې چې په سندرو زمزمو خبر شو نو کار ځای یې چې د انځورګرۍ دکان وو بدل کړ او خپل تره سره یې دکان کې کېنول

لږه موده وروسته شپاړس کلنی کې 22 روپیو سره له کوره وتښتي او لاهور ته لاړ شي، ال انډیا رېډیو لاهور کې کار پیل کړي همداسې بیا دهلي او بمبي ال انډیا رېډیو اکاش واني سره دندې تر سره کړې، څه موده وروسته 1943 کې بیا د هندوستان فلمي ډګر ته ورننوځي، 

یو څو فلمونو کې د هیرو په توګه راغی او سندرې یې هم  ورته وویلې خو بیا فلمونو کې کار ځکه پرېښود چې انجونو ښځو سره ښکته پورته کېدل ورته سپک کار ښکارېدۀ، خو ډېر ژر د هندي فلمونو تر ټولو مشهور یاني سټار سندرغاړی شو، ببا یې وروسته کمپوزونه هم جوړول، ستر ستر د موسیقۍ تړون او فلمونو جوړونکي به ورته په قطار او انتظار ولاړ وو، مشهور سندر غاړی محمد رفیع هم له دراني صېب اغېزمن وو او د دراني په نقل یې سندرې ویلې، دراني صېب ډېر ټوکمار وو او لتا منګېشکر نوې نوې فلمي نړۍ ته راغلې وه او دراني صېب یې سپین رنګه جامو (لباس) پورې کومه ټوکه وکړه او لتا منګیشر خپه شوه او لوړ غږ یې وویل نور تا سره یو ځای سندرې نه وایم، مشهور موسیقار نوشاد هم دراني صېب ته وویل چې لتا نوې ده او ستا خوي او عادتونو سره بلده نه ده لږه ګزاره کوه

لتا رېښتیا هم بیا کار ورسره و نه کړ هغه ځکه چې 1951 کې دراني صېب د سندرو، راډیو او فلمي نړۍ ته خدای په امان وویل، دیني اړخ ته راغب شو، ږیره یې پرېښوده، له بانک یې ټوله خپله شتمني راویستله او په غریبانو یې وویشله، لږه موده وروسته ورسره پیسې ختمې شي، مفلسي زور وکړي نو له یوه ملګري قرض واخلي او خوراکي توکو دکان خلاص کړي، وایي ږیره مې ځکه پرېښوده چې خلک مې و نه پېژني، 1956 کې بیا (هم سب چور هې) فلم ته سندره ووایي خو محمد رفیع او مکېش دوران وي، دی له خلکو هېر شوی وي

دراني صېب مورنۍ ژبه پښتو وه خو په هېندي، اردو او پنجابی ژبو یې بشپړ کنټرول درلود او راډیو له لارې په دې څلورو ژبو سندرې ویلي دي او راډیویې ډرامې یې وړاندې کړي.

دراني صېب په اړه مشهوره وه چې ځان ته به یې اصلي پښتون ویل او ډېر ویاړ به یې کول چې اصل پښتون یم، دا خبره یې اکاش واني سره یوه اڼټرویو کې هم کړې، چې زه هغه کره پښتون یم چې چای څښل هم ورته عیب ښکاري.

ویل کېږي دراني صېب د عروج او ځوانۍ په مهال خپل ګاډی له شرابو ډک ګرځول، ښه مست او په ژوند مین انسان وو خو بس ناڅاپه یې هر څه ته لغته ورکړه.

#ورک #پښتون

 By Azmat Gharanai.

GM Durrani Bio Data

G. M. Durrani Born In 1919 At Peshawar, Started Career As Broadcaster At All India Radio Lahore In 1943.

Ghulam Mustafa Durrani Aka GM Durrani, Broadcaster,Indian Film  Actor and Singer From Peshawar. 

Who Was GM Durrani? Biography Of Ghulam Mustafa Durrani. Pashtuns In All India Radio And Indian Film Industry. Bio Data Of Ghulam Mustafa Durrani Actor and Singer From Peshawar. Pashto Times Pashto Info Blogs and Bio.

Pashto Times, Pashto Pedia, Pashto Info, Pashto Blogs, Pashto World. Pashto Pedia, Pashto Wikipedia.