Za Pa De Pa Haghe Na Yam Che Masjid Ka Buthkhana Da. Complete Lyrics
By Zareen Pareshan.
زه په دې په هغې نه یم، چې مسجد که بتخانه ده
چې جانان پکې اوسیږي، هم هغه زما کعبه ده
د مذهب بنیاد پرستو د انسان خونریزي بند کړئ
لوي مذهب انسانیت دی، محبت لویه سجده ده
چې په اور راته مخ تور کړي، بیا مې ټيټې سترګې بیایي
زه به هغه جنت څه کړم، چې دوزخ یې دروازه ده
ستا د حورو له دونیا نه، دلته بله دونیا هم شته
لیوني ته یوه پیغله جينۍ ناسته په اسره ده
شیخ چې دېرش روژې پوره کړې،نو په ږیره یې لاس راښکو
دې ته نه ګوري د وږیو چم کې، هره ورځ روژه ده
ــــــــــــــــــــــــــــــــــــــــــــــــــــــــ
ستا اوچت اوچت بانګونه
ستا اوږده اوږده لمانځونه
ستا روژې او ستا حجونه
ستا تسبې او ستا ذکرونه
ستا په تخرک کې کتابونه
ستا منبر باندې وعظونه
زه منم دا هرڅه ښه دي،په دې ته جنت ته رسې
ولې ماته پکې څه دي؟په دې ته جنت رسې
ته هم دلته جنتي يې
ته هم هلته جنتي يې
هلته حورې ګل خوبانې
دلته مستې شاګردانې
هلته یخ شراب جامونه
دلته ګرمې حلواګانې
زه هم هلته دوزخي يم
زه هم دلته دوزخي يم
نه زه دلته جنتي يم
نه زه هلته جنتي يم
د ژوندون په سور دوزخ کې د سامراج په اور کې سوځم
د دونیا د جنتیانو زورورو زور کې سوځم
خپل ژوندون راباندې بار دی
په اوږو ګرځوم بار ژوند
وږی تږی وچې شونډې
د نیستۍ ډک خوار و زار ژوند
اول دلته جنت جوړ کړه
پس ته هلته جنت ښايه
يو غریب په خيټه موړ کړه
پس بيا لويې لويې وايه
نو راشه پرېږده دا جومات
د حجرې په ګوټ کې کښېنه
يو چيلم د بنګو ډک کړه
خدای په نوم یې کړه خیرات
چې نېشه شې،د جنت نېشه دې کوزه د سر نه
چې خبر شې د دونيا د دوزخيانو د خبر نه
که خدای راکړه جنتونه
د مېوو نه ډک باغونه
د شېدو سپين نهرونه
د شرابو مست جامونه
پوسې پوسې ښکلي جونه
د پالنګ خوږه خوبونه
بخملين زرين شالونه
د مرمرو محلونه
زه زرين به يې لوګی کړم،په دې خړو ديوالونو
د دونيا د دوزخيانو، د جونګړو په سرونو
(مرحوم زرين پرېشان)
Za Pa De Pa Haghe Na Yam Che Masjid Ka Buthkhana Da. Complete Lyrics
By Zareen Pareshan Ghazal.Poetry Lyrics. Pashto Song Lyrics. Za pa di pa haghey na yam che Masjid ka Bothkhana Da. Che Janan Paki Osege Hum Hagha Zama Kaaba Da. Pukhto
Comments
Post a Comment
Thanks for visiting Pashto Times. Hope you visit us again and share our articles on social media with your friends.