Pukhtano. Pashtuns, Pathans. Who Are Pashtuns? Who Are Pathans?
پښتانه
د تاريخ په حقله چې ما هر څومره کتابونه ولوستل که هغه انګريزانو ليکلي که خپلو پښتنو نو چا پښتانه د ديوانو اولاد ياد کړي دي چا د فرعونيانو پورې تړلي دي او چا بني اسرائيل او اريا ګڼلي دي ـ خو زما يو نظر دے او هغه دا دے چې نه خو پښتانه بني اسرائيل دي اونه د هغې اړخ نه راغلي دي ـ پښتانه د آمو او اباسين ترمينځه د زرونو کالو نه پراته دي خو داسې نه ده چې لکه نن ټول پښتانه ځان ته پښتانه واٸي يا يو قوم ځان ګڼي بلکښې دا پښتانه ډېر روستو د قاميت اړخ ته راغلي دي دا ورکوټې ورکوټې قبيلې وې خو د دې قبيلو ژبه دود دستور يو بل ته ډېر نيژدو وو ـ خو داسې هم نه ده چې هډو پکهت ياپښتون ځان ته قبيله نه وه ـ
پکهت يا پښتون د دې آمو او اباسين ترمينځه يوه غټه قبيله وه او ښه زوروره قبيله وه ـ او د دې خبرې تصديق مونږ د رګويد د پکهت او پکتويس نه هم کوے شو چې دا پښتو يا پکهت قبيله په دې خواشا کښې يوه ډېره سر تيزه او زوروره قبيله وه ـ د رګويد نه علاوه د پښتون او د پښتنو د وطن ذکر هم اوستا او هم يوناني او چيني سياح کړے دے او دا د دې خبرې نه اندازه لګي چې دا پکهت يا پښتون قبيله چې وه دا ډېره زوروره وه په دې وجه باندې دې ټولې علاقې يا د امو نه تر اباسينه پورې به پکتيکا يعني پښتونخوا خواه وٸيل کيدل ـ
داسې هم نه ده چې په دې پکتيکا کښې يواځې هم دا پکهت يا پښتون قبيله اوسيدله بلکښې نورې هم ورسره بلها قبيلې اوسيدلې چې د دې پښتون قبيلې سره ٸې هم ژبه هم دود دستور ډېر نيژدو وو ـ کله چې مونږ تاريخ ګورو نو د دې پکهت قبيلې سره بلها قبيلې ژوند کوې لکه سيتهين يا اساک چې روستو په قوم بدل شوے دے يا پښتون قوم کښې ضم شوے دے داسې ګندهاري قبيله چې د پېښور يعني اباسين خواشا کښې اوسيدله داسې اپاريتي قبيله چې پوهان ٸې د نن وخت اپريدي ګڼي او هيرو ډوټس هم ياد کړي دي ـ
داسې اسپاسي او ګوري اساکيني او داسې نورې بلها قبيلې لکه د سکندر مورخينو مساګا او او داسې نورې قبيله يادې کړې دي ـ دا ټولې قبيلې چې کله۔ يو وحدت ته راټوليږي نو چونکۍ پکهت يا پښتون قبيله پکښې زروره وه او دا وطن هم د دې قبيلې په نوم د بهر نړۍ خلقو پيژندل نو دا ټولې قبيلې چې راټولې شوې نو د قوم شکل ٸې اختيار کړو چې پښتون قوم ورته وروستو اووٸيل شول ـ لوستونکو ته دې پته وي چې قوم او نسل کښې ډېر غټ فرق دے ـ داسې دا يوڅو قبيلې چې هم رګويد او هم يوناني سياح يادې کړې دي دا ټولې ټولې قبيلې د دې خاورې زړې قبيلې دي دا د چرته نه راغلې نه دي بلکښې دې قبيلو ته د بهر نه بلها خلق راغلي دي او په دوي کښې ٸې ځان غيب کړے دے د دوي ژبه مذهب دودستور هر څيز ٸې خپل کړے دے او د دې خاروې اصل بچي ګرځيدلي دي ـ
مثال ٸې مونږ سره د نن وخو قريشان ، سيدان دي چې اصل خاوره ٸې عرب ده خو دلته د تبليغ په غرض يا په بل غرض راغلي دي او پښتنو په خپله سينه کښې ځاے ورکړے دے او دې عربو د پښتنو هر څيز خپل کړے دے او اوس اصلي پښتانه ګڼلي شي ـ
داسې که مونږ د پښتنو خواشا کوم خلق بهرني ګورو نو دا خلق د تجارت په غرض راغلي دي خو خپل شناخت ٸې نه دے باٸيللے خو راوان دے اوس ٸې رورو باٸيلي او ډېر زر به اوګورو چې دا خلق به هم سوچه پښتانه شي ـ پښتو لکه چې مونږ ته پته ده دا يواځې د ژبې نوم نه دے بلکښې د ژوند د تيرولو طريقه او پښتو هغه څوک ګڼلے شي چې پښتو واٸي او پښتو کوي که پښتو هم وي او سپک کار وکړي نو پښتون نه شي ګڼلے يعني مونږ ورته وايو چې ته خو هډو پښتون نه ٸې ـ خو که يو پنجابے يا قوميت ٸې چې بل څه وي خو چې د غيرت کار وکړي نو مونږ ورته وايو چې څه د پښتو کار دې وکړو ـ
نور اپريدے
Comments
Post a Comment
Thanks for visiting Pashto Times. Hope you visit us again and share our articles on social media with your friends.