Afghan Statues In Baghdad Iraq. Afghan Idols In Baghdad Iraq. Afghan Artifacts In Baghdad. Arab
«د افغانستان د علاقو بتان پهٔ بغداد کې»
“پهٔ کال ۸۹۶م ع کې د عمرو ابن اللیث الصفار لهٔ خوا رالېږل شوې ډالۍ بغداد ته راورسېدلې. د یادؤنې وړ ده چې پهٔ دې تحفو کې سل مهري اوښان؛ چې د خراسان څخه وو، يؤ لوی شمېر د عربي اوښانو، ډېر صندوقونه؛ چې قیمتي څیزونه پکې وو او (۴،۰۰۰،۰۰۰) څلور ملیونه درهم وو. يؤ پکې د پیتلو بت هم ؤ چې د ښځې پهٔ شکل ؤ. دې بت څلور لاسونه لرل او دوه د سپینو زرو داسې کمربندونه ور اغوستل شوي وو چې سرهٔ او سپین کاڼي پرې ټومبل شوي وو. ددې بت مخ ته نور واړهٔ بتان وو چې مټې او مخونه یې پهٔ سرو زرو او نورو زیوراتو سينګار کړل شوي وو
دا بتان پهٔ یوه مخصوصه ګاډۍ باندې کېښودل شوي وو چې د دوی دپاره جوړه شوې وه چې عربي اوښانو راښکله. دا ټولې تحفې اول د عباسي خلیفه المعتضد محل ته یؤړل شوې او د پیتلو دا بت بیا د بغداد ښار ختیځې برخې ته د درې ورځو لپاره واستؤل شو چې د ځایي ساتونکو یوې چاوڼۍ کې ؤ او خلک به یې نندارې ته راتلل. دا بت بیا واپس د خلیفه محل ته د همدې کال پهٔ ۴م د ربیع الثاني ولېږل شو. د بغداد ښار اوسېدونکو دې بت ته د «شُغل» نوم ورکړو چې مانا یې د سختې ورځې کار ده. دا ځکه چې دوی به خپل کاروبارونه ددې بت د لیدو لپاره پرېښودل.
پورته ذکر شوی بت د عمرو بن لیث الصفار لهٔ خوا پهٔ هغه ښارونو کې د يؤ ښار نه راوړل شوی ؤ چې دهٔ پهٔ هندوستان او پهٔ هغه غرنيو علاقو کې قبضه کړي وو چې د بُست، مَعبر او د زمینداور سره نږدې دي
اوس پهٔ ۹۴۴م ع کال کې دا ملکونه د اسلام سرحدات دي چې ګېر چاپېره ترې یو شمېر مختلف غیر مسلمه قامونه ژؤند کوي چې پهٔ دوی کې ښاریان او کوچیان دواړه دي.“
کتاب: مروج ٱلذَّهَب وَمَعَادِن ٱلْجَوْهَر
لیکوال: ابو علی الحسین المسعودي؛ عرب هروډوټس
ژباړه؛ عمر خوګیاڼی
تصحیح؛ Ayaz Yousafzay
.jpeg)
Comments
Post a Comment
Thanks for visiting Pashto Times. Hope you visit us again and share our articles on social media with your friends.