Da Wali? Pa Noom Cafe Pashto Book Review. Philosophy Book
"کافي د ولې په نوم" یو فلسفي کتاب دی چې د کیسې شکل لري او د انسانیت د بنسټیزو پوښتنو په اړه په زړه پورې ډول خبرې کوي.
د دې کتاب کیسه داسې ده چې یوه ورځ د جان په نوم یو سړی د ګازو ډکولو لپاره د سړک غاړې ګاز سټیشن ته ځي او غواړي چې د ګاز سټیشن کافي شاپ څخه قهوه واخلي. کله چې هغه د قهوه پلورنځي مینو پرانیزي، د دې پر ځای چې د قهوو نومونو سره مخ شي، هغه د دریو اساسي پوښتنو سره مخ کیږي چې د هغه ذهن ښکیلوي.
دغه هڅه کوي چې د کیسې او مثالونو له لارې دې پوښتنو ته ځواب ووایی.
تاسو د دې کتاب څخه کله خوند اخیستلاي شئ؟
- که تاسو تل په کار کې ډوب یاست او د هغه څه څخه خوند نه اخلئ چې تاسو یې کوئ
- که تاسو د ژوند د معنی په لټه کې خپل ځان له لاسه ورکړی وي
- که تاسو غواړئ له مرګ څخه وېره لرې کړئ!
دا کتاب د څه په اړه دی؟ څنګه کولی شئ ګټور ژوند ولرئ؟
لویه لار د یوې حادثې له امله تړل شوې وه، بدیل لاره له منځ څخه تېرېده، او د موټر ګازهم پای ته رسیدلی وو. جان، چې د مدیریت مشاور دی، تصور نه کاوه چې د هغه سفر به دومره له سټرېسه ډک وي.
کله چې جان د ګاز سټیشن په لټه کې وي، هغه د ولې په نوم یو عجیب او کوچني کافي پلورونکي سره مخامخ کیږي. دا کافي یو عادي کافي پلورنځی نه دی او کله چې جان د کیفې مینو ته ګوري نو له دریو لویو اساسي پوښتنو سره مخ کیږي.
په خوشبختۍ سره، تکړه او پوه خلک چې په دغه کافي پلورنځي کې یې تل پاټک اچولی وي، د جان مرستې ته راځي او جان ته د کیسې په ویلو سره تشریح ورکوي چې څنګه دوي په خپل ژوند کې خپل هدف موندلی دی؟
له دې کیسو او درسونو سره له دې کتابه تاسې دا هم زده کولی شی چې:
اعلانات څنګه ذهن مبهم او توروي؟
ولې خوشحاله خلک داسې ښکاري چې جادويي ځواک لري؟
د ګټې څخه ډک ژوند لپاره، باید خپل هدف ومومئ او تعقیب یې کړئ
ایا تاسو یو له هغو خلکو څخه یاست چې فکر کوي ژوند یې په لاره روان دی؟ کار مو ښايي ستړی کوونکی وي؛ مګر تاسو نږدې ملګري لری او د ساتیرۍ لپاره کافي پیسې هم لری. ځینې وختونه تاسو د خپل زړه له تله څخه احساس کوی چې په ژوند کې مو یو څه ورک دي. ولې په هغه څه خوشحاله نه شی چې تاسو یې لرئ؟
ځواب ساده دی: ځکه چې ښه ژوند د د بار څخه ډک ژوند معنی نلري. دا لومړی درس وو چې جان هغه وخت زده کړ کله چې هغه کافي پلورنخي کې د خپلې سهارنۍ لپاره منتظر وو. د کافي مینو شاته درې پوښتنې لیکل شوې وې:
ولې دلته یې؟
ایا له مرګ څخه ویره لری؟
ایا د اطمینان احساس کوی؟
جان د دې پوښتنو په اړه په کافي کې له خدمتګارې چې کیسي نومېده وپوښتل. کیسي د لومړۍ پوښتنې په اړه وویل، دا پدې معنی ده چې پوه شی چې ولې دلته یاست. څه شی مو راضي کوي؟ څنګه غواړئ په دې سیاره کې خپل وخت تېر کړی؟
دا پوښتنه تر ټولو مهمه پوښتنه وه؛ ځکه چې د ګټور ژوند ترلاسه کولو لپاره لومړی ګام د هدف ټاکل دي. زموږ د ډېرو په څېر، دا د جان لپاره یوه ستونزمنه پوښتنه وه. د پیل لپاره، کیسي، جان ته د سمندري شین رنګي کیشپ سره د هغه د مخامخ کیدو کیسه بیانوي.
کله چې کیسي په هاوايي کې لامبو وهله، د یو شین رنګي کیشپ سره مخ شوه، که څه هم ډېره هڅه یې وکړه اما ونه توانېده چې کیشپ ته ځان ورسوي، په اخره کې ماتې ومنله او په سمندر کې یې ځان بې غمه پرېښود. دلته وه چې د سمندر څپو ورسره مرسته وکړه چې ځان کیشپ ته ورسوي، کیسي دلته پوه شوه چې کیشپ تل همدغه ډؤل کار کاوه: کله به چې د سمندر کومه څپه د کیشپ په لوري را روانه وه، کیشپ به هڅه کوله چې له څپې سره لاس او پښې ووهي او خپل حرکت ځاي برقرار وساتي، او کله به چې څپې بېرته د ده په طرف را وځغښتېدې نو ځان به یې د څپې سره د سمندر تل ته ځان ورسوو.
زیاتره له مونږ د دې کار برعکس عکسلعمل کوي، تل پښې او لاسونه وهي، په ځاي د دې چې مخ ته لاړ شي، ځان ستړی کړي، په ژوند کې د خپل هدف نه تعقیبول د نالیدل شویو څپو په مینځ کې د ودریدو په څیر دي. چیرې چې دومره ستړي شو چې د هغه څه کولو لپاره وخت او انرژي نلرو چې مونږ یې غواړو ویې کړو.
له همدې امله باید هڅه وکړو چې د سمندري کیشپ په څېر ژوند وکړو او د خپل زړه د غوښتنو څپې په لاره واچوو. که نه نو مونږ به د څپې سره مبارزه کوو پرته لدې چې کومه معنی ومومو.
نور راتلونکو برخو کې.
#ملغلرې Facebook Page.
Comments
Post a Comment
Thanks for visiting Pashto Times. Hope you visit us again and share our articles on social media with your friends.