Piryan. Jin, Jinaat, Piryaan. Reality Of Jin Or Jinaat. Pashto Info

Piryan. Jin, Jinaat, Piryaan. Reality Of Jin Or Jinaat. Pashto Info

پيريان

د پېريانو کورونه

پېريانو ته هغه ځايونه پېريانو ته هغه ځايونه زيات خوښ وي چې کوم د انسانانو څخه خالي وي لکه ساراګانې. او ځينې پېريان په بيت الخلاء ګانو او ډېرانونو کې اوسېږي. او په دوی کې ځينې له انسانانو سره اوسېږي. دې وجې نه رسول الله صلی الله عليه وسلم به سارا ته ووت او دوی به يې الله طرف ته رابلل، قرآن به يې دوی ته لوست او دوی ته به يې د ديني امورو تعليم ورکاوه. دا کار رسول الله صلی الله عليه وسلم څو څو ځله کړی دی. لکه چې دا په بخاري او مسلم کې د ابن عباس او ابن مسعود رضی الله عنهما په روايت کې ذکر دي.

او ډېرانونو او بيت الخلاء ګانو کې ځکه اوسېږي چې دوی د انسانانو جوټه شوی او پاتې شوی خوراک خوري. لکه چې دا په مسلم کې د ابن مسعود رضی الله عنه په حديث کې راغلی دی لکه مخکې چې تېر شو.

حافظ ابن حجر رحمة الله عليه فرمايي:((ابن ابي الدنيا له يزيد بن جابر نه چې په شام کې له ثقه کشرانو تابعينو څخه دی، نقل کړي دي چې فرمايي:(هېڅ داسې کور نشته چې د هغې په چت کې به پېريان نه وي. او کله چې د سهار ناشته کېښودل شي نو دوی راکوز شي او انسانانو سره خوراک شروع کړي. دا کار دوی د بېګا د خوراک په وخت کې هم کوي. (فتح الباری ۳۴۵/۶)

زه وايم: ابوبکر بند عبيد په (مکايد الشيطان) کې د يزيد څخه داسې روايت نقل کړی دی چې (په مسلمانانو کې هېڅ داسې کور نشته چې د هغوی د کور په چت کې به له مسلمانانو پېريانو څخه يو پېری نه وي، څه وخت چې د سهار خوراک کېښودل شي نو دوی راکوز شي او له هغوی سره خوراک وکړي. او کله چې د بېګا په وخت کې خوراک کېښودل شي نو پېريان ورسره خوراک کوي. الله د دوی په وجه د هغوی لوږه لرې کوي.)

پېری د انسان په بدن کې څنګه ننوځي او چېرته اوسېږي؟

جِنات هوا ده او د انسان په بدن کې مسامات (نري نري سوري) دي. دې وجې نه پېري لپاره ممکنه ده چې د انسان په بدن کې له هر ځای څخه وغواړي داخل شي. او په دې خبره باندې چې جنات هوا ده دا قول د الله تعالی دی

(وخلق الجان من مارج من نار) الرحمن:۱۵

ژباړه: او د جِناتو پلار يې د اور د شغلې له يو طرف څخه پيدا کړی دی. او د شغلې طرف هغه ګرمه هوا ده له کومې څخه چې اور راوځي.

څه وخت چې جِني د انسان بدن کې ننوځي نو نېغ دماغو ته ځان رسوي او په دماغو کې د مرکزيت حاصلولو نه وروسته د دماغو د لارې نه بيا طاقت لري چې د انسان د اندامونو څخه يو اندام اغېزمن کړي. طبي مباحثو دا خبره ثابته کړې ده چې د دوی په نزد د ميرګو د ناروغۍ لپاره ډېر ناشنا اثر کونکي حرکتونه وي چې په دماغو کې يې قرار نيولی وي.

او ما ته په خپله ډېرو جِناتو خبر راکړی چې مونږ په دماغو کې پاتې کېږو. په دوی کې يو کس ما ته وويل: زه کولای شم چې د دې انسان د اندامونو نه په يو اندام باندې اثر وکړم. او يو ځل ما يو پېري ته وويل: دا مټ ونيسه، هغه خپل مټ را اوږد کړ، نو درې کسه قوي ځوانان پاڅېدل دې لپاره چې دا مټ واړوي خو د هغوی طاقت ونه شو. ما ورته وويل: پرېږده، نو هغه يې پرېښوده او د مخکې په شان شو.

پيريان څنګه شکل او صورت اختياروي؟

قاضي ابويعلی محمد بن الحسين بن الفراء وايي:

شيطانانو لپاره په خپل شکلونو بدلولو او په صوتونو کې د نقل کېدو طاقت نشته. صرف دا ممکنه ده چې الله تعالی دوی ته څه کلمات او قسماقسم کارونه ور وښايي چې کله پېری دغه کارونه وکړي او دغه کلمات ووايي نو د دې په وجه يې الله تعالی د يو صورت نه بل صورت ته نقل کړي. نو ويل کېږي چې په دې صورت او شکل جوړولو باندې قادر دی خو د دې معنی دا وي چې دی په داسې قول او فعل قادر دی چې کله يې ووايي يا يې وکړي نو الله تعالی ده لره د خپل عادت مطابق د يو صورت نه بل صورت ته نقل کړي. پاتې شوه دا خبره چې پېری خپل ځان په خپله بل شکل او صورت ته نقل کوي نو دا خبره ناممکنه ده. ځکه د جِناتو د يو صورت نه بل صورت انتقال هله کېدای شي چې کله اول بدن مات شي او اجزاء يې جدا جدا شي. او کله يې چې بدن مات شي نو زنده ګي يې ختمېږي.(آکام المرجان ص:۱۹)

نوټ: هيله ده چې يو څه ګټه يې درته کړې وي که نور معلومات هم غواړی د پوسټ شير بايد لسو ته ورسېږي مننه 

#هڅونه

Mansoor Faisal

Tags, Metadata And Keywords.

Piryan. Jin, Jinaat, Piryaan. Reality Of Jin Or Jinaat. Pashto Info about Jinaat, Jin, Peryan, Peray, Jin, Jinaat Ki Haqiqat, Jin Aur Insan, Jinaat Aur Insaan, islam Awr Jin, Jinat Ki Reality, Where Jin Lives, Where Jinaat Live? Pashto Times, Pashto