Bia Hagha Makham Day. Bakht Muner Bajawar Pashto Folk Story.

Bia Hagha Makham Day. Bakht Muner Bajawar Pashto Folk Story.

Latif Yaad

بیا هغه ماښام دی 

دبخت منیر دجرمنۍ ټکه راځينه 

 زما په یاد دي ،  زه وړوکی ماشوم وم، ارواښادې ګلناربیګم  به داسندره په اغلب ګومان د۱۹۶۰ او ۱۹۶۵ کلونو تر منځ  ویلې وي . دبخت منیر  په اړه چې ما اوریدلي  دي  ویل کیږي چې دی  دباجوړ یوځوان و او په قام سالارزی پښتون و. پلار یې الماس خان نومیده . دی دباجوړ دګل بیلې په کلي کې اوسېده . دده اودتربورانو ترمنځ یې دجایداد او ځمکې پرسر  شخړه ، لانجه اودښمني وه 

بخت منیر  په هغه وخت کې ووژلی شو چې دباجوړ دپشت دخان سره  یې جکړه کوله . . ویل کیږی چې دده سره یوه جرمنۍ تمانچه هم وه چې ده ته په تحفه  ورکړل شوې وه .وایي چې بخت منیر په نښه ویشتلو کې ډیر مهارت درلود .ده هم دخپلو دښمنانو سره پرخپلې جرمنۍ تمانچې ډزې کړي دي او بیا هلته وژل شوی دی .ویل کیږي چې دده په وژلو  کې یوه ښځه هم ملوثه وه چې قریشه نومیده .دیو ه بل روایت  له مخې  مولانا خانزیب چې د(باجوړ دتاریخ )لیکوال او زما دفیسبو ک ملګری هم دی پخپل تاریخ کې دبخت منیر په اړوند لیکلي دي : چې بخت منیر په اصل کې دافغانستان دکونړ ولایت د اسمار دسیمې اوسیدونکی او دپلارنوم یې غلام خان و اودبهرام خیلو پښتنو نه و. وروسته دی له اسماره  دباجوړ دپشت سیمې ته لاړ ،دهغه ځای خان  چې نوم یې عبد السبحان و  او په صوبه خان سره یې شهرت درلود د بخت منیرډیر درناوی او عزت وکړ او  د (ټیا ) په نوم په یوه کلي کې استوګن کړ.

 . تر څه مودې وروسته بیا ددې کلي خلکوبخت منیر ته وویل چې ستا اصلي ځای  دانه دی، پشت دی ته ورشه او دهغه ځای دخان عبدالسبحان خان سره وجنګېږه او موږ به  ستا ملاتړ کوو. دی چې کله هلته لاړ نو بیا دعبدالسبحان خان دکلا برجونو ته وروخوت او پر کلایې برید وکړ چې څو هغه خان ووژني ، خو دپشت خان نوکرانو دی ونېوه اومړ یې کړ اوقبر یې هم په پشت کې دی.  مولانا خانزیب داپېښه د۱۹۳۸ زیږدیز کال پېښه(واقعه)  بولي 

 د پشت خان هغه تاريخي کلا اوس هم پۀ پشت کې شته : دادي هغه ټپې چې دبخت منیر په اړه ویلې شوي دي   ستاسو سره یې  شریکوم :

 

بیا ماښام به راشي

بو لا(۱) په  تمانچو برجونه چا اخیستي دینه  

بیا ماښام به راشي 

دبخت منیر دجرمنۍ ټکان راځينه 

بیا هغه ماښام دی 

بخت منیر نشته دی  چې وسپړي ګلونه

موریې  تودې وریژې سړې کړې

د بخت منیر د غم استازي ګرځېدنه 

د بخت منیر دا ښایسته څڼې

د ګل بېلې مارغان ترې ځالې جوړوینه

بخت منیر بیا له زینه کوز شو

د ګل بیلې په چینه اس اوبه کوینه

چې بخت منیر یې ورته راووړ 

موریې ړنده شه په بازو خوله لګوینه 

څلورکوټې څلور دالانه 

دبخت منیر ویر یې په سرو غرمو کاوه نه 

د قرېشې نه ډمه نشته

د پشتوال سره د چرسو چيلم څکينه

د قرېشې صلاح که نه واې

د بخت منير مرگی به ولې جوړېدنه

۱- بولا، بهولا  = احمق ، نادان ،کم عقل 

په دې اړوند لاندینۍ ویډیو هم وګورئ چې دارواښادې ګلنار بیګم په غږ کې ویل شوې ده :

Latif Yaad

Bia Hagha Makham Day. Bakht Muner Bajawar Pashto Folk Story. Pashto Folk Song By Gulnar Begam, Gulnar Begam Pashto Folk Song Bia Hagha Makham De, Da Bakht Muner Da Germanai Taqa Razina. Pashto Songs Lyrics. Bajaur Pashto Songs.