Peera Baba. Pira Baba No Ta Kho Way Aw Swat Lambay Wahaly. Qaisar Afridi

Peera Baba. Pira Baba No Ta Kho Way Aw Swat Lambay Wahaly. Qaisar Afridi

پیره بابا! نو تۀ خو وې ـــــ او سوات لمبې وهلې

غم به په جار ـــــــ زمونږ د زړونو دروازې وهلې

پیره بابا! نو دا مقام ــــــ د خاموشۍ خو نۀ وۀ

چې سپینې پېغلې یې په تورې شان دُرې وهلې

پیره بابا! ـــــــــ ستا کرامت هلته وودۀ ولې وۀ

چې ماشومانو به ــ په ویښه ویښه شپې وهلې

پیره بابا! ــــــــ نو ستا نېزه ولې وچته نۀ شوه

چې راځوړندو ککریو به ــــــــــــــــ ټالې وهلې

پیره بابا! ــ چې په چوکونو به دېوان ولاړ وو

پیره بابا! ـ چې دوي د ویاړ ډکې نعرې وهلې؟

پیره بابا!جوړ افضل خان لالا به هېر وي له تا

مرګ راروان وۀ ــــ مګر دۀ ورته خېمې وهلې

پیره بابا! ــــــــــ یوه ملاله کورنۍ خو هم وه

چې د ټوپک هرې ګولۍ ته یې ـ سینې وهلې

پیره بابا! ـ قېصر ته هغه قیصې هم یادې دي

چې به زمونږ محافظانو ــ زمونږ پښې وهلې

Peera Baba. Pira Baba No Ta Kho Way Aw Swat Lambay Wahaly. Qaisar Afridi Pukhto Ghazal. Pashto New Poetry, Swat Aw Pukhto Ghazal. Swat Aw Aman, Swat Aw Jang. Pashto Pedia Pashto Times.