Taiwan, China And United States. Taiwan Issue Explained In Pashto
امریکا د چين او تهائيوان تر منځ هغسې شېطاني روانه کړې، لکه د روس او يوکراين تر منځ چې کوله.
پوټين تېروتنه و کړه او په يوکراين کشې شکېل شو.
د جنګ اتمه مياشت روانه ده، او روس لا د يوکراين په مشرقي سيمه کشې شکېل دى. زيات تاوانونه يې د روس، يوکراين او يورپ دي. بله خوا امریکا په دا جنګ کشې تر دا اوسه خورا ډېره ګټه کړې ده.
د روس ګمان وو، چې دا جنګ به د څلور پنځه هفتو لوبه وي، خو اوس جنګپوهان وايي چې دا لوبه تر کلونو پورې غږېدلى شي.
چين تهائيوان خپله برخه ګڼي، او امریکا هوم د متحده چين د پالیسي حمايتي پاته شوې ده.
خو اوس امریکا په خوله خو وايي چې د متحده چين پالیسي ملاتړي ده، خو په عمل کشې داسې اقدامات کوي، چې د متحده چين د پالیسي زد کارونه دي.
د بېلګې په توګه له تهائيوان سره کاروباري او دفاعي تعلقات ساتل او اوس خو يې حد دا و کړى، چې د امریکا د پارلېمان سپيکر نېنسي پيلوسي د تهائيوان باقاعده دوره و کړه. معنا دا چې په عمل کشې امریکا ثابته کړه، چې دوى تهائيوان د چين برخه نه، بلکې يو آزاد رياست يې ګڼي.
اوس چې دا دوره ختمه شوې ده، نو چين لکه د لېوني سپي جنګي عمليات پېل کړي دي او د تهائيوان خو او شا يې جنګي ماحول جوړ کړى دى. بلکې که دا وو وايم چې تهائيوان يې له هرې خوا محاصره کړى دى.
دا به کتل وي چې چين دا کار څومره موده کوي، او که دا لوبه اوږده شوه، نو تهائيوان به دې ته اړ ووځي چې غبرګون ښکاره کړي او باقاعده جنګ پېل شي.
تهائيوان د يوکراين او روس په شانتې د ځمکې له لارې له چين سره نه دى تړلى.
چين به هوايي او سمندري ځواکونه زيات کاروي او که ځمکني ځواکونه کاروي، نو هغه به د تهائيوان جزيرې ته رسوي.
بله خوا د تهائيوان لويه برخه ښارونه دي او په ښارونو کشې روايتي جنګ نه شي کېدلى، ځکه چې په روايتي جنګ کشې انسانانو ته مرګ ژوبله زياته رسېږي.
دا خبره هوم مهمه ده چې چين له کال نولس سوه دوه شپېته پس د باقاعده جنګ تجربه هوم نه لري، هغه جنګ د چين او هند تر منځ شوى وو. نو نه يې پوځیان د عملي جنګ تجربه لري او نه يې وسله په عملي جنګونو کشې تجربه شوې ده.
دا جهګړه که چېرې کېږي، نو د دوى د پوځیانو د جنګي مهارت او د وسلو د ټېکنالوژي امتحان به وي.
جنګي عملیات او په عملي جنګ کشې ډېر توپېر وي. د روس او يوکراين په جنګ کشې دا خبره ثابته شوه، چې د روس د وسلو، ټېکنالوژي او پوځيانو اعداد او شمار زيات وو، خو هغومره مؤثره نه وو لکه اندازې چې لګېدلي وې.
د چين او روس په مقابل کشې امریکا له دويم نړيوال جنګ را په دې خوا مسلسل په عملي جنګ کشې پاته شوې ده، او اکثره خو يې د خيلو وسلو او پوځيان د تجربې او نورو ستراتیژیک احدافو په خاطر جنګونه هوم تخلیق کړي دي، لکه د عراق او افغانستان جنګونه يې کلاسيک مثالونه دي،چې دوى خپل جنګي ستراتيژيانې، جنګي وسلې او جديده ټېکنالوژي ټول پکشې تجربه کړو.
په تهائيوان کشې چې تېرې ټولټاکنې وې نو چين دغسې د پوځي مشقونو او جنګي الوتکو له لارې فشار واچولو، چې موجوده اولسمشره و نه ټاکي.
ځکه چې دا زنانه په بشپړه توګه ډېموکرات ده او د چين مخالف ده. خو د تهائيوان اولس د دې ټولو ګواښونو باوجود د دغه زنانې په حق کشې د چين پر زد ووټ و کارولو.
د تهائيوان جنګ د يوکراين تر جنګ څو چنده پېچيده دى، ځکه چين ته به دا جنګ ډېر ګران تمام شي.
اوس به ګورو چې چين هوم د روس په شانتې د امریکا له خوا خور کړل شوي دام کشې را ګير شي، او که له جنګ څخه ډډه کوي.
د يو کور تر څنګ که د پرديو جنګ وي هوم تاوان کوي.
او که يو ملک پخپله په جنګ اخته وي، نو تاوانونه يې زر چنده شي.
فلحاله چين تهائيوان له څلورو خوا راشکېل کړى او جنګي عملیات يې پېل کړي دي.
ګوا د تهائيوان رابطه له هرې خوا ختمه شوې ده، نه د اوبو له لارې تګ راتګ امکان لري او نه د هوا له لارې.
که دا جنګي عملیات تر ډېره موده دوام و لري نو که چين جنګ نه کوي، هوم به تهائيوان جنګ ته اړووځي.
جنګ که له هرې خوا پېل شو، تاوان يې د دوى دواړو يعنې تهائيوان او چين دى.
امريکا به لېرې ورته ناسته خوندونه ورباندې اخلي او خپلې وسلې به ورباندې خرڅوي، لکه د روس او يوکراين تر منځ په جهګړه کشې.
يوه مهمه خبره دا ده چې د روس او يوکراين د جنګ په نتیجه کشې چې کوم نړیوال معاشي بحران رامنځته شوى دى، دا بحران به د چين او تهائيوان د جنګ په نتیجه کشې څو چنده شي.
ځکه سياسي او جنګي تجزیه کاران دا وايي چې امکان زيات دى چې چين به د روس په شانتې تېروتنه و نه کړي او هڅې به کوي چ جنګ و نه شي. خو د جنګ امکان په بشپړه توګه نه ردوي او دا وايي چې د جنګ امکان شته
.jpeg)
Comments
Post a Comment
Thanks for visiting Pashto Times. Hope you visit us again and share our articles on social media with your friends.