Change, Revolution Or Evolution Explained In Pashto. Pashto Explainer Of Evolution. By Adv Humayun Kaasai. Pashto New Blog
بدلون
وايي ته د بدلون مخالف يې.
د بدلون دوې لارې دي، يوه ته اېوولوشن يعنې ورو ورو بدلون ويل کېږي. بل ته انقلاب يعنې يو دم بدلون راوستل.
ټولنيز سائنس د انساني تاريخ په اوږدو کشې د بدلون دغه دوې لارې مالومې کړي دي.
د انقلابونو حال خو موږ له وختونو په وطن کشې وينو. ځکه چې کوم بدلون يو دم راوستل کېږي، نو هتمن به زور ورسره مل وي، بې له زوره انقلابي بدلون امکان نه لري.
او د زور تاوانونه هوم موږ له پېړيو په خپل وطن کشې وينو.
ځکه زما په نظر موږ د بل انقلاب تاب نه شو راوړلى، خداى مه کړه وطن له منځه پکشې تللى شي.
ځکه زه تل د اېوولوشن همايتي پاته شوى يم. په اېوولوشن کشې بدلون سوکه سوکه راځي، خو تاوانونه يې کم وي او ګټه زياته.
البته اېوولوشن له لارې د بدلون رفتار هوم د تبليغاتو له لارې د زور پر ځاى د ټولنيز او پوليټيکل سائنس د هنرونو په کارولو سره تر يو حده تېزېدلى شي.
نو زه د بدلون مخالف نه يم، د زور له لارې د بدلون مخالف يم.
او د انساني ټولنې د انډيجينس ويزډم يعنې د يوې ټولنې د خپلو تجرباتو په رڼا کشې د تاريخ په اوږدو کشې زده کړي پوهې څخه ګټه اخستل او ټولنه مخ په وړاندې وړل اړين ګڼم.
جمود ته زه د مرګ په سترګه ګورم چې ګوا جمود د ټولنې مرګ دى. ځکه خو ولاړې اوبه بوى کوي، چې د جمود ښکار وي او نه بيا د چښلو وړ وي او نه د لمبېدلو.
اوبه چې روانې وي نو ژوند امکان پکشې لري.
دغسې انساني ټولنه چې پرمختګ کوي، نو ژوند امکان پکشې پېدا کوي.
زموږ ستونځه دا ده چې نه مو خپله ټولنه لوستې ده، نه مو خپل د ټولنې نفسيات لوستي دي. نه مو د هغه نفسياتو په رڼا کشې څه سائنسي پروګرام ورته جوړ کړى. چې زموږ ټولنه کومو کومو بدلونونو ته اړتیا لري.
د هغه بدلونونو له پاره سائنسي او منظمه تګلاره مو نه ده ټاکلې.
دا ټول لاملونه دي چې زموږ د ټولنې د بدلون خپلولو رفتار ډېر سوکه دى، دومره سوکه چې د انسان د جمود ګمان ورباندې کېږي.
بلکې که دا وو وايو چې ټولنه د جمود ښکار ده، ځکه چې دا کوم ژوند موږ تېروو دا ته ژوند نه شي ويل کېدلى.
زموږ ټولنه نن په دوو انتهاوو کشې وېشل شوې ده.
ځينې نه خداى مني او نه مزهب او ځنيې بيا له ځانه د خداى نائبين جوړ کړي دي.
په أخرت کشې د خداى د کولو فېصلې دوى په دنيا کشې پخپله کوي. که دا وو وايم، چې له ځانه يې خدايان جوړ کړي دي، نو غلط به نه يم.
يوه انتها او شدت بله انتها او شدت زېږوي. دا انساني فطرت دى.
ځکه خو تر ټولو بهترينه لاره ميانه روي ده، کوم ته چې په مزهبي ژبه کشې صرات مستقیم ويل کېږي.
مزهبي فسلفه هوم دا ده چې پر صراط مستقیم دي دغه ژوند تېر کړى، يعنې په انتهاوو او شدتونو کشې نه و غولېدلې. نو به پل صراط درته آسانه شي.
په مزهب کشې پخپله د بدلون ستاينه شوې ده، او د دې له پاره يې د قياص او اجتهاد لارې خپلې کړي دي.
انتها پسندانو د بدلون دغه لارې پر انسانانو بندي کړي دي. دغسې د مزهب مخالفينو هوم اکثرو نه مزهب لوستى وي او نه يې خبره د دليل او منطق په رڼا کشې وي.
موږ دغه انتهاوو تباه او برباد کړو. چې نن د بقاﺀ سوال را پېښ دى.
او آخري خبره دا چې دغه رجعت او مترقيت هوم کانټېکسڅول شيان دي.
ځکه چې مترقي مارسسټانو ته تر کميونزم ډېر بهتره ماډل يعنې وېلفېر رياست نه ښکاري. چېرته چې اولسواکي او شخصي آزادي هوم شته، سرمايه داري هوم شته، او ورسره ورسره د ټول ملت له پاره، تعلیم، او صحت هوم مفت دي.
د کور د جوړولو له پاره رياست ارزانه قرضه هوم ورکوي او د روزګار زمينې هوم ورته برابروي.
په کلاسيکل کميونزم کشې، هر څه د رياست يعنې د پولټ بيورو په اختيار کشې وي، چې د ډکټېټرشپ يو شکل دى. او په اکثره ملکونو کشې دا ډکټېټرشپ کرپت وي، او بله خرابي يې دا چې دغه پولټ بيورو اکاؤنټېبليټي او له احتساب څخه بالاتره وي.
د نزدې وخت خبره ده. چې د چين يوې لوبغاړي انجلۍ د پولټ بيرو پر يوه رکن د سېکچول هېراسمنټ يعنې جنسي تېري تور و لګولو.
نو پولټ بيرو پر ځاى د دې چې هغه کس ته يې سزا ورکړې وايي، دوى راولاړ شو، هغه لوبغاړي زنانه يې بند ته واچوله.
دغه کار تېره ورځ د ټاليبانو امارت په کابل کشې و کړى. او د خپل ټاليب په مقابل کشې هغه زنانه بند ته واچوله.
دا پولټ بيورو او امارت دواړه د مورل او فائننشل کرپشن فورمز دي، دواړه بدترينه ډکټېټرشپ دي، او له اکاؤنټېبليټي يعنې احتصاب او جوابدهي څخه بالاتره دي.
بله خوا پر بل کلنټن باندې مونيکا ليوينسکي تور و لګولو، بل کلنټن ملت ته دراوغ وو ويل او انکاري شو، بيا چې دى دراوجن ثابته شو، نو پخپله يې استيفا ورکړه، ځکه چې ملت ورته ويل چې درواغجن کس زموږ د مشري حق نه لري.
هغه بله ورځ د فينلېنډ وزيراعظم چې زنانه ده، نو د پارټۍ کولو ويډيو يې راغله، دغه زنانه دا ته اړ وتله چې خپل ټېسټ و کړي چې نشئ توکې يې نه دي کارولي. دا د اولسواکۍ کمال دى.
ځکه چې په اولسواکي کشې اول اصول اکاؤنټېبليټي وي، او چې په کوم ملک کشې اولسواکي څومره پياوړې وي، هلته هغومره احتصابي عمل مضبوطه وي. او واکداران اولس ته جوابده وي.
زه ځکه وايم چې څوارلس سوه کاله زړې ټولنې نقل کول که رجعت دى، نو درې سوه کاله زوړ علم مقدس او تر تنقید بالاتره ګڼل هوم رجعت دى.
نوټ :
ستونځه دا ده که لنډ ليک و کړې خبره نه پکشې رانغښتل کېږي او نور په درځنونو سوالونه و زېږوي.
او که اوږد ليک کوې او خبره پکشې را نغاړې يعنې ټول کانټېکسټ بيانوې، نو ملت دومره وخت او اراده نه لري چې اوږدې ليکنې و لولي.
.jpeg)
Comments
Post a Comment
Thanks for visiting Pashto Times. Hope you visit us again and share our articles on social media with your friends.