Pathan Nay Pathan Ko Penta Lagaya. Shoaib Akhtar about Pak Afghan Match.

Pathan Nay Pathan Ko Penta Lagaya. Shoaib Akhtar about Pak Afghan Match. 7 Sept Asia Cup 2022

#_پټان_نے_پټان_کو_پهينټا_لګايا

شعېب اختر چې پۀ خپل يوټيوب دوه ميلينه فالوورز لري - د هغه د خلې نه پۀ دغه چېنل دا خبره انتهائي بې مناسبه بلکه قابل مذمت ده - هغه ته پۀ مېچ کښې د دواړو طرفه نور دوستانه ماحول ښکاره نۀ شۀ - خو صرف ئې دغه يوه خبره راواخسته او د پښتون د سپکاوي رنګ ئې ورله ورکړۀ - پۀ داسې اعصاب شکن ميچونو کښې د لوبغاړو له طرفه داسې جذباتي جملې وئيلے کيږي - دا څۀ نوې خبره نۀ ده - هربجن سنګھ يو ځل پۀ شعېب اختر چکې اووهلې - نو يو پښتون لوبغاړې دا نۀ وو وئيلي - چې پنجابی نے پنجابی کو پھينټا لګايا - 

څو څو ځله پۀ ټاک شوز کښې وريندر سېواګ دے بې عزته کړے دے - خو چرته ئې هم چورلټ جواب نۀ دے ورکړے - د هغې وجه دا ده - چې انډيا يو لوئے مارکيټ دے - هلته دے کمنټري کوي - او نورو پروګرامونو له ځي - خو د تباه افغانستان نه هغه ته هېڅ مالي فائده نشته - نو چې څۀ ئې پۀ خله راځي هغه وائي - خو پۀ دې کښې ټول ګناه زمونږ د پولې دواړو طرف ته د پښتنو دے - کوم حال چې پۀ سوشل ميډيا روان دے - او څومره بې عزتۍ چې دوي د يو بل کوي - نو پۀ خپله به پکښې هر سړے خپل روز وړۀ کوي - 

د افغانستان له پاره پۀ داسې حالاتو کښې لوبه‌ قدرې کول هم ډېر د لوئے فخر خبره ده - پۀ دومره نوي او ناتجربه کاره ټيم ئې ډېره ښۀ مقابله وکړه - او مېچ ئې تقريباً ګټلے هم وۀ خو پۀ قسمت کښې ئې نۀ وۀ - پۀ دې ورله هم خوشالي پکار ده - د افغانستان پښتنو له هم پکار دي چې خپلو لوبغاړو ته د بدو ردو وئيلو پۀ ځائے د هغو حوصله افزائي وکړي - او د پاکستان پښتنو له هم د زغم نه کار اخستل دي - د يو تن د جذباتو له وجې ټول پښتانۀ بې عزته کول ځان سپکول دي - لوبې ته د لوبې پۀ نظر کتل پکار دي - کۀ زمونږ دا روئې وي نو لازمي به پکښې هر سړے خپل کار او قار اوباسي - 

ډاکټر دیدار يوسفزے

Pathan Nay Pathan Ko Penta Lagaya. Shoaib Akhtar about Pak Afghan Match. 7 Sept Asia Cup 2022. Pashto Blogs, Pashto Cricket Blogs, Pashto Sports Blogs, Naseem Shah From Mayar Dir Lower. Bio Data