Philosophy Of Khushal Khan Khattak Baba and Pashtuns. Aimal Gadoon
خوشال خان او پښتانه
زه د کلونو نه د ستر سالار افکار او د پښتنو د وجود جوړولو خبره بيا بيا تکراروم چې خوشال خان څنګه د پښتون قوم د وجود بڼسټګر دې.
نو مهمه داده چې اول پدې ځان پوهه کړو چې يوو قام څنګه جوړيږي؟؟
قام يوازې په ژبه جغرافيه نه جوړيږي
څنګه چې يوو انسان پېدا شي بيا هغه انساني خويونه زده کړي
بيا يوو ژبه ناسته پاسته هنر زده کړي
هغه انسان وي خو د خپل ذهني ساحت هنر او ژبې په اساس هغه د يوو قوم حصه جوړه شي
د هغه تربيه اول د انسان بيا د يوو قام وي
د قام يوو خپل کلتور ژبه ذهنيت جغرافيه او خپلمنځي ټولنيز فکر وي
يوو قام هېڅکله څوک په ښه او بد عادت د قوميت د دايرې نه نشي اېستې
نه يوو قام څوک غلامولې شي مخکوم کولې ضرور شي.
خوشال بابا نه مخکې پښتون قوم وجود نه درلود
يوو څه خلک ضرور وو اوس هم شتې چې يوو ژبه يې وئيله يا يې زده کړې وا.
پدغه خلکو خوشال خان ډيرې وسې وکړې چې ننګ وکړئ پاڅئ
خو جنګونه هم اوشو خو قام پورته نه شو.
دغه ستر انسان دومره زيرک او عالم وو
چې د د قلم په زور د يوو قوم د وجود جوړولو تابيا وکړا
لکه يوو قام له ژبه پکار وي
هغه يې جوړه کړا
په ژبه کې انسانيت تصوف هنر علم پوهه شراب شباب يعنې يوو انسان او دده ذهن چې څنګه جوړيږي هغه يې پکې ورګډ کړل.
بيا يې دغې قام له جغرافيه جوړه کړا کندار اټک پېښور يې ياد کړل پولې ورله وټاکلې
بيا يې ددغې قام له ښکلا جوړه کړا ددوي د ښځو ښه او بد عادتونه يې وستايل چې داسې دوي يوو قام جوړېدو ته برابر کړي
بيا يې ددوي مرغان سيندونه کاڼي بوټي ياد کړل چې دا هم مهمه ده يوو قامي ذهن په جغرافيه کې دننه کړي.
بيا يې ددوي د اونو بوټو حکمت بيان کړو چې ددوي طبعي او ساينسي علومو ته هم پام راوګرځوي.
بيا يې سيلونه وکړل چې يوو قام له تحقيق ته پام راوګرځوي.
هند پارس ازبک دا يې داسې ياد کړل چې دا مو ګاونډيان دي
يعنې ددې تشريح معنې يوو پښتنه جغرافيه په ګوته کول دي.
د يوو ښه قام جوړولو دپاره جديديت پکار وي
نو پښتنو له يې جديد ذهنيت چې زړه ورتيا او بې باکي وي پکې هغه يې ورته په شعرونو کې بيان کړل.
توره يې راوغستله نو د مسلمان پاچا خلاف يې راواغستله
چې دا د سيکولر قامي سياست بنياد وو
يعنې ستر سالار سياست کې مذهب نه خوښولو
او په ملا يې ښه په نره انتقاد وکړو.
بيا دې غيرت ته يې ګورئ
چې په زوړ عمر يې ښځه وکړا نو طلاقه يې کړا
چې زه دې توان نه يم
يعنې د بابا هر عمل ته چې ګورې حيران به شې
چې مسيحه وا چې پښتنو له راغلې وا.
که مونږ د يوو قام تعاريف د قام جوړښت ته فکر وکړو
نو خوشال خان هڅه کوله دغه جذباتي مذهبي او استعماري کردار ختم کړي
او پښتون قوم جوړ کړي
او دا هر څه د بابا په شعرونو کې ښکاره دي
خو دې له پاره علم پکار دې.
ځکه نو خوشال خان د پښتون قوم جوړولو بڼسټګر دې
خو پښتون کردار دومره
د جذباتيت او ليونتوب په بام ولاړ دې او وو
چې قام جوړ نه شو
نو ستر سالار خپل افکار کتاب ته کړل.
پدې کې شک نيشتې چې خوشال خان د پښتون قوم جوړولو بڼسټګر دې
خو قام لا هم تر ننه جوړ نه شو
ځکه پښتون په پښتون اعتبار نه کوي
ورته معلومه ده چې قام نه دې
که دا قام جوړ شو پښتون به د پښتون تابيا وي
چې کردار او کېفيت وي دا به يوو بل ته خطر وي
ايمل ګدون
Comments
Post a Comment
Thanks for visiting Pashto Times. Hope you visit us again and share our articles on social media with your friends.