Pashto ChatGPT. ChatGPT Introduced Pashto. Pashto Explainer By Muhammad Yaad.
چټ جي پي ټي کې د پښتو برخې راتګ رښتیا هم خوندوره ده او دقت یې هم تر پخوا ډېر زیات شوی دی. دا ښه خبره ده چې موږ د مصنوعي ځيرکتیا په دور کې پښتو ژبه د داسې پېچلو خو ګټورو سیستمونو برخه کړو، خو پوښتنه دا ده چې موږ لپاره به څومره ګټوره وي او رښتیا به ترې څومره ګټه واخلو؟
تېرو تجربو ته په کتو د دې پوښتنې ځواب ډېر خوندور نه ښکاري. وجه یې دا ده چې ستونزه په وسایلو کې لږه او زموږ په چلند او لیدلوري کې ډېره ده. دا لومړی ځل نه دی چې یوه ټکنالوجي موږ ته آسانتیا رامنځته کوي، تر دې وړاندې مثلاً پخپله انټرنېټ ډېره لویه آسانتیا وه، خو موږ ترې د یوه قوم په حیث د خپلې عمومي ودې لپاره څومره ګټه واخیسته؟
که ښېګڼه یوازې دا وي چې چټ جي پي ټي یا بله هره ټکنالوجي موږ ته معلومات راکوي، نو دا معلومات خو له پخوا راهیسې په کتابونو کې هم پراته دي او انټرنېټ هم سوچ بې پښتو نه و، موږ هغسې ولوستل چې ضرورت یې و؟
مهمه دا ده چې لومړی موږ کې د څیزونو د سم استعمال ذهنیت پيدا شي، دا ذهنیت هله پيدا کېږي چې موږ د یوې ستونزې د حل لپاره د دې ټکنالوجیو استعمال ته اړ شوو او هغه اړتیا به هغه وخت پيدا شي چې موږ علم او پوهې ته جدي وګورو او دا کوشش وکړو چې ستونزو پورې د خندلو پر ځای د هغو حل لاره پيدا کړو.
تر دې وړاندې یوټیوب هم ښه وسیله وه، خو موږ په کې څه پوسټ کوو؟ او څه په کې ګورو؟ ما څو پوسټونه ولیدل چې چټ جي پي ټي نه حتی د کنځلو تر بریده بې معنی پوښتنې شوې دي... نو د سرو زرو په ارزښت چې څوک نه پوهېږي، خود به ترې اوزې ته میخطویله جوړوي.
اوس د ټکنالوجیو د پېژندګلوۍ ترڅنګ د هغو د سمې کارونې او عملي ګټو تشریح کول هم ضرورت دی.
Comments
Post a Comment
Thanks for visiting Pashto Times. Hope you visit us again and share our articles on social media with your friends.